Aizawl | August 3, 2018: MZP General Headquarters chuan ramri chungchang ngaihtuahtu ‘core
committee’ chu rin tlakah a ngaih loh vangin vawiin August 3 , 2018 khan a
inhnuk dawk.
He thu hi vawiin a MZP General Hqrs President L. Ramdinliana
Renthlei in akaihhruai MZP executive meeting , MZP Conference Hall ah neihah
sawiho a rel a ni.
MZP chuan, ‘ Ramri chungchanga Mizoram Chief Minister
kaihruaina hnuaiah Mizoram leh Assam ramri ngaihtuahtu tur committee sang Core
Committee chu ni 21 May 2018 khan din a ni a, he Committee-ah hian MZP pawh
telh a ni. Core Committee hian July 2018 ralhmaa Chief Minister hnenah report
thehluh tur a ni a, Core Committe hi vawi-2 meeting tawh a ni a, hmalakna hrang
hrang neih a ni a, mahse he hma lakna te hian awmzia a nei theih loh avangin
leh hun tiam chhunga Chief Minister hnenah repoet a pek theih loh avangin MZP
Executive Committee meeting chuan Assam leh Mizoram ramri chungchang committee
sang Core Committee atang hian inhnukdawk tha a ti a, Assam-Mizoram boundary
committee sang Core Committee hi meting chuan rintlakah a ngaih loh avangin leh
huntiam chhunga report a pek theih loh avangin MZP chuan telna tlakah a ngai
lova Core Committee atang hian MZP chu a inhnukdawk ta a ni.’ tiin an pawl
thuchhuah chuan a tarlang.
MZP chuan Mizoram-Assam ramri chungchangah hian nasa
lehzuala hmalak chhunzawm a tum a. Zofate Chawlhbuk sak chungchungah MZP chu a
dinna ngaiah a la ding reng a, hun remchang hmasa berah Bairabi Zophai-ah
Zofate Chawlhbuk chu sak leh turin MZP Executive meeting chuan a rel a ni.
No comments:
Thanks for your comment.