Kawnpui | August 25, 2018: Nimin August 25, 2018 tlai lam dar 4 - 5 vel khan Zophei (Kawnpui leh Bualpui inkar) -ah Bike leh Scooty (Aprilia) an insu a.
Bike a chuang, Jeremy Lalhriatkima, Pi Lalngaihzuali fapa, Kawnpui venglaia cheng, kum 25 chu a na hle a. Kawnpui PHC panpui a nih hnuin Presbyterian Hospital, durtlangah refer a ni a. Durtlangah hian admit a ni.
Kan thu dawnna in a sawi danin, a hnar leh bengah thi a chhuak nasa hle a, thisen a hloh hnem hle a. Presbyterian Hospital CT Scan a chian loh vangin Civil Hospital, Aizawl ah CT scan tih a nih hnuin Presbyterian Hospital, Durtlangah phurhlet a ni a, admit a ni a, Ventilator hmanga thawktir a ni.
Jeremy hi a ṭhiante nen Bualpui lam aṭanga Kawnpui lam pan niin, Scooty khalhtu hian Kawnpui lam aṭangin Bualpui/Kolasib lam a pan thung.
Scooty khaltu Lalropuia pawh hi a ngaihtuahawm hle a, Kolasib atangin Ambulance ken chhoh a ni a. Nizan 8:30pm vel khan kawnpui atangin Aizawl panpui a ni a. Lalropuia hi a harh chhuak lova, Aizawl Hospital-ah Ventilator hmanga thawktir a ni.
Scooty a chuang ve Athlangi erawh hliam liantham a nei lova Kolasib lam panpui a nia hriat a ni.
Jeremy Lalhriatkima hi MZP Sub-Headquarters, Kawnpui Secretary dinhmun chelh lai a ni.
Scooty khalh hi Kolasib Hmar veng mi nia hriat a ni.
No comments:
Thanks for your comment.