Kawnpui | August 20, 2018: Presbyterian Kohhran Kawnpui Chhimveng Pastor Bial chuan Bial Inkhawmpui thu bawhzuiin Inrinni khan an Pastor Bial huam chhunga VC leh NGO hruaitute nen Ruihhlo hluar nasa leh a kaihhnawih HIV / AIDS darh nasa chungchang an sawiho a; Kolasib a\angin AMRO lam in an rawn hmanpui bawk.
Sawihona-ah hian Kawnpui VC II leh VC III te; NGO hruaitu leh Kohhran hruaitute chuan khawtlang dinhmun leh khawtlang in a hmachhawn mek an sawifiah a. Ruihhlo chu beih tak taka beih zui a ngaih tawh dan leh HIV darh chak lutuk chu awm mai mai theih anih tawh loh dan te sawiin hmalam hun suangtuahna an neih dan te an sawi a ni.
Upa Lalropuia Bial Chairman kaihhruaina hnuaiah sawihona hunah hian kalkhawmte chuan Resolution 6 an siam a ni. Naupang leh Rawlthar zan lama leng chhuak tam lutuk chuan Ruihhlo tan kua a hreuh nasa nia sawiin Zan len chhuah khapna siam an duh tlang a. Kohhran leh NGO ten theih tawp chhuah sela; Khapna thupek chhuah theitu VC ten khap bawk se an ti. Hetiang deuh hian Naupang leh rawlthar rualte huikhawm thei tur chi zan lam Prog siam tawh loh an duh a; chung zingah chuan Film show leh entertainment lam chi insum tawh nise an ti a. Sawihona ah chuan hetiang hun siam hian naupang leh Tleirawl nunah hlawkna a nei lo niin an sawi.
Kawnpui Chhimveng Pastor Bial Chairman chuan Chhuahtlang zawhna chhangin Ruihhlo Do kawnga hmala nasa tak NGO te tha tihchak dan kawng Kohhran in zawng sela; \anpui an ngaih pawhin \anpui hreh lo ila tiin kalkhawm te chuan kan sawiho a; Pastor Bial pakhat chhungah chauh hmalak a beitham deuh dawn avangin Bial dang pawh hemi chungchang hi sawipui nise tih chu he huna kalkhawm te duh dan a ni a ti.
Inrinni-a sawikhawm hun hi Kawnpui Dinthar Kohhran Hall-ah neih a ni a. Village Council II leh III te; Chhimveng, Vengthar leh Banglaveng huam chhunga YMA, MUP leh MHIP hruaitute bakah Pastor Bial Standing Committee member te an tel a ni.
- Chhuahtlang.com
No comments:
Thanks for your comment.