Kolasib | August 21, 2018: Tun hnai a Kerala tuilian nasa avanga harsatna tawkte tanpui nan Kolasib Bawrhsap Dr.Arun T, IAS hmalakna in tanpuina pe duh tan a pekna tur hmun ruahman a ni a, harsatna tawkte tanpui tur hian in phut na a awm lova tanpuina pe duh chuan mahni remchan angin a hnuaia tarlan zing ami te hi pek mai tur a ni a, Kolasib DC Office Project veng ah a pek/dah theih a ni.
Tanpuina hi August ni 29 thleng dawn ani anga, August ni 30 ah Silchar-Trivandrum Express (Train no: 12508) ah thawn chhuah ani anga, rel hi a kal tluan chuan September ni 2 zan dar 10:40 ah Trivandrum, Kerala thleng tura beisei a ni. Tanpuina thawn tur hi Pu Umesh.S, IRTS Local Area Manager, Badarpur Sub-Division, North-East Frontier Railways (Indian Railways) hmalakna in a thlawna Kerala thleng phur thlen ani dawn a ni.
- DIPR
No comments:
Thanks for your comment.