MSU LUNGLEIIN COLLEGE S.U THARTE LAWMPUINA HUN AN BUATSAIH

.
Lunglei | August 15, 2018: Vawiin August 15, 2018  khan MSU Regional Headquarters, Lunglei chuan Lunglei khawpui chhunga S.U tharte lawmpuina hun an buatsaih a, he hun hi Lalrinngheta Sailo Secretary, MSU chuan a kaihruai a, Information & Publicity Secretary Laithangpuia chuan hunserh a hmang bawk.
.
MSU Regional Headquarters, Lunglei Senior Adviser Pu R. Lalnunthara chuan thusawina tawi neiin, College S.U tharte chu an college țeuh zirlaite'n duhtaka an thlan chhuah an nih anga hruaitu ni tlaka awm zel turin a fuih a. S.U chu politics khelhna hmun ni lo mah se, political institution țha tak a nih thu sawiin, zirlaite tana belhtlak ni zel turin S.U hruaitu tharte a fuih a ni.
.
Govt. J. Buana College, KT College leh Lunglei Gov't College S.U Vice President-te țeuhin thusawina neiin, MSU an hmuh dan leh an college harsatna tawh leh țanrual a ngaih thu an sawi a. S.U Leader dangte pawhin an veizawngte an sawi bawk.
.
MSU Regional Headquarters, Lunglei President Biaksiamtluanga pawhin thutawi sawiin, S.U tharte puala hun an hman theih chhan chu Pathian leh a thawhpuite zar liau liau a ni tiin, sum leh pai emaw ruihhlo laka buai lo turin S.U tharte a fuih a. MSU leh College S.U te chu an College leh Lunglei țhatna tura thawhho a țul zia a sawi lang bawk a ni.
.
Johan PC Lalruatdika Treasurer, MSU chuan S.U tharte lawmpuina citation hlanna kaihruaiin, Chairman-in lawmthu sawi leh țawngțaiin inkawmhona hun a ti tawp a ni.

Mamawia Langel