MZP BAIRABI -IN NRC ENDIK BEIHPUI THLAK : ILP NEI LO TAM TAK HMUCHHUAK

Bairabi | August 18, 2018: MZP SUB-HEADQUARTERS BAIRABI chuan Dt. 18.8.2018 khan MZP General Headquartes, Aizawl atanga thuchhuak a hmuh angin Bairabi khawchhunga Hnam dang, National Register of Citizens (NRC) a hming chuang lo leh ILP nei lo te dap chhuah hnatlang an nei.

He hunah hian Hnam dang, Vai hnathawk rinhlelh  mi 50 Police Station-ah hruai an ni a, an NRC te check sak an ni a, a keng remchang lo te'n an chah khawm bawk a, dik taka en sak an nih hnuin vawiin a vai hruaikhawm te hi NRC a hming chuang te an ni hlawm.

Mahse, heng NRC a hming chuang si teah hian ILP  nei lo thahnem tak an awm a,  tlawng ral vai te leh Company hnathawk te an ni tlangpui a, an sponsor tute koin intiam tir an ni a, an hmingte chhinchhiahin a sponsor tute phone number dah tel bawk niin Karthar Nilaini a Permit/Line Pass nen a Police Station a in lan vek tura hriattir an nih hnuah chhuah tir an ni.

He hunah hian Bairabi khawchhung dap kim sen a ni lova, hmuh ang angte hruai khawm niin la dap chhuah loh pawh thahnem tak an awm tih hriat a nia, Bairabi khaw mipui hnamdang chhawr ten an vai chhawr te NRC a an hming a awm leh awm loh lo enfiah sak turin MZP Bairabi chuan a ngen a, NRC a chuang lo chuan ILP a siam tir theih loh a ni tih hre thar tur leh NRC a hming chuang si, amaherawhchu, ILP neilo tam tak an awm a chutiang mi an lo chhawr anih chuan rang tak a Permit siam sak thuai turin MZP Sub-Headquarters Bairabi chuan Bairabi khaw mipuite a ngen a ni.

Hun rem chang hmasa berah ILP neilo leh NRC a hming chuang lo te dap chhuah hna hi thawh leh tum a nia, he huna NRC a hming chuang lo leh ILP pawh nei lo te chu Police ah dahin Case siam sak ngei turin MZP Bairabi chuan a ngen dawn a ni.