PAN CARD LEH MIZOTE

- Rosangzuala

Income Tax pe tura i inziaklut anih chuan Permanent Account Number (PAN) pek i ni ang a, chumi zulzui chuan PAN Card hi an siamsak ang che.

Mizote erawh chu India Constitution in hamțhatna Tribal hnena a pekah tel vein, Income Tax Act, 1995 section 10(26) hnuaiah anmahni chenna (Arunachal Pradesh, Manipur, Mizoram, Nagaland leh Tripura) chhungah chuan he chhiah (IT) hi a awl ta a ni.

Tunlaiin mi țhenkhatin Mizote pawhin PAN card kan neih ve ngei ngei ngaiin an sawi ta fo mai!!!! Amaherawhchu, a chunga kan tarlan ang khian Tribal area pawna hnathawkte tan lo chuan neih ngei ngei a țul hran lova. PAN card hi Income Tax pe tur tan chauh neih a ngai a ni. Mahse Bank leh hmun țhenkhat a thehluh a ngaihna hmunah chuan Income Tax Exemption Certificate thehluh zawk tur a ni. (Bank-ah Form fill up ngai a awm țhin bawk, Form 60 a ni ta awm e, loneimi tan Form 61. Hemi form hman chuan Exemption certificate a ngai kher lo)

IncomeTax Exemption Certificate chu engtia neih theih nge? DC office ah kalin, (1)Tribal certificate leh (2)Residential Proof te thehlutin a lakchhuah theih a ni.

(Belh leh hnuhnawh) Income Tax Exemption Form (Form 13) IT Dept in an pawm a hnuaia link ah hian download theih a ni bawk.
http://www.incometaxindia.gov.in/forms/income-tax%20rules/103120000000007840.pdf

Indian Constitution in hamțhatna min pek, min zahsak duh lova, min dil luite chu Court ah hial kan khinglet tur a ni zawk dawn lawmni?

Ngaihtuah chiang teh
Mizo mipui tamzawk hian PAN card hi nei ta ila, IT dept chuan PAN holder zat chhiarin, "...mipui tam zawkin Income Tax pek an duh..." tiin, India dan hnuaia kan hamțhatna hi min hlihsak an tum ang em???

Harh teh u...
Mizote hamțhatna humhimna atan PAN card tel lovin kawngkual zawk i zawh ngam teh ang u. Tin, sum tlemte hmuhna tura midang sawițhaihte pawhin sim a țha khawp mai.