Sakawrdai | August 3, 2018: Vawiin August ni 3,2018
khan Sinlung Hills Council officer thar chu SHC Headquarter Sakawrdai ah
Sinlung Hills Council (SHC) Chief Executive Member (CEM) Pu Lalthalien chuan
council member dang leh mipui thahnemtak kalkhawmte hmaah a hawng.
Council Office hawnna inkhawm hi SHC Executive Member (EM) Pu
Lalthlamuana Hmar in kaihruaiin EFCI Sakawrdai Presbytery Presbytery
Superintendent Rev. Salem L. Hmar in hunserh a hmang.
Thusawitu Pu Lalthalien chuan tun member ruata awmte hian
development tak tak an buaipui hman dawn loh vangin mipui hriatthiamna a ngen
a.
An hnua council member thlan
turten tha taka hma an la theihna tura sawrkarin thlaruk chhung a tana a ruat
lawk mai an nih thu a sawi.
Tunah hian Sinlung Hills Council
Complex sakna tur Detail Project Report (DPR) chu sawrkarah pekluh niin file
pawh bawhzui mek a nih thu leh kan duh ang diak diaka sum leh pai a awm loh thu
a sawi bawk
Pu Lalthalien chuan Sawrkar chu a
thutiam kawngah a la rinawm zel a. vawiin thlengin a inthiamna te a hmatiamin a
puitlin zel thu a sawi a.
A tir atangin inrawn tawnna leh
inunauna tha tal hnuaiah inbiak a nih vangin sawrkar chu a thutiamah a ding
nghet, a rinawm tawk niin a sawi.
Sinlung Hills Council office hawnna programme ah hian Sakawrdai
bakah khaw hran hran atangin political party hran hran leh NGO bakah mipui 1000
bawr vel an kalkhawm a.
Tuna council office hi mimalin luah hawh a ni a,, office puitling
(SHC complex) sa tura hma lak mek a nih thu hotute an sawi.
Kan tarlan tawh thin angin SHC hi April 2, 2018 a Mizoram sawrkar
leh HPC(D) in inremna an ziah dungzui a din niin, July 9 2018 khan Mizoram
sawrkar chuan hriattirna chhuahin SHCdin a nih thu a lo puang tawh a, council
lailawk hi din a ni a. Hemi hnu hian Council member 12 leh sawrkar mi ruat 2 te
chu lakluh an ni ta a ni.
July 13, 2018 khan Sinlung Hills interim council chu lakluh a ni
a, he ni vek hian Sakawrdai chu council headquarter tura puan a ni.
No comments:
Thanks for your comment.