TLEIRAWL/NAUPANGTE LEH SEX

( I Fate tan)

- Rose L Khiangte

Condom fak mawi chawp na ramah hian Sex hi a hluar ber awm e. HIV+(AIDS) Lah a tam narawh e!! Tin, tunlai Tleirawl tam tak in Depression a neihna chhan chu Sex hman sual na hi a ni. Engvanga in ti hlum nge? Sexvang bawk mawle. A chhan chu Virgin(THIANGHLIM NA) aia Condom fak tam na ram a nih mai bakah, mahni fate Sex zirtirna kan pek duhloh vang mawle. Nu leh pa te u. In fate hi kum tam an nih hma hian sex awmzia hrilh rawh u. An naupan lai taka hrilh hi a tha a nia.

Ka Fanu kum 6 mi chu SexVideo ka en tir a,"Hei hi Nupa nih hnua hman tur a ni a, Inneih hma chuan hman loh tur. Meidil tlakna a ni a, Thihna a ni bawk." tiin ka hrilh a ni. A hma lutuk emaw, i ti mak inti maithei. Mahse, tun lai naupang chu an fing tawh. Stone Age ani tawhlo a, Modern Modern Age ah kan cheng tawh a ni tih hre teh u. A tlai luat hma a in hrilh hi a tha. Tin, film an pek nazawng ka en tir lo bawk. Kan thil hmuh leh kan hriatte hi sual lama min hruaitu a ni. Fate hma a tiang lam sawi zak tlat in awm thin, tawnhriat tir ai chuan hrilh kha i bat a ni. 

Tunlai naupang chu kum 12 an nih chuan an thur har tawh a ni. Social Media heng Fb, Whatsapp. IG vel khawih hma tir lutuk hi a fuhlo. Facebook ah phei hi chuan zirtur tha pakhatmah a awm lo. Sex Videos en tur a awm a, sex story bon turu buru tak tak chhiar tur a tam a ni tih i hriat kha. Masturbate(In hrawt) hi sual kawng zawhna pakhat a ni. A tul ber lo bawk.

I fate bula awm kha thian a tan i duh pui em? I in lengte kha i fate tan hlauhawm a ni em? Naupang pawngsual tu tam ber chu, an bul hnaia mite, an mi hriat chiante an ni. An Pahrawn te, putea,patea etc te an ni fur. Chu vang chuan i fate kha hetiang thil rapthlak tawn tir i duhloh chuan hrilh rawh. An Serh a an Pawl kher kha pawngsual a ni ber lo, an ká a mipa in an Zang an thun te, an mawngkua a an thun te kha pawngsual a ni hrim hrim. Tin, thu zahmawh rawngkai ringawt pawh kha a thalo bawk. Heng te hian Naupang nun a ti chhe vek thei a, Rilru rualbanlohna leh Thihna hial a thlen thin.

SUICIDE(Mahni intihlum) hi tunlaiah hian a hluar viau. Kum naupangte te si ni si engvanga in ti hlum nge? Pawngsual an tawh vangte, sex hman dik loh vangte a ni. An Nu leh pa hnenah an hrilh ngam si lo, mal ngawih ngawih a in hriatna leh tenawm bik riau a in hriatna an nei a. An nun a nguai a, hlauh bik riau an nei a,mal tlat nuam an ti thin. Chutianga i fate an awm chuan pui vat rawh. A mamawh em em lai che a ni. Tin, Kum tling lova Sex an hman vang leh pawngsual an tawh vang khan dem lo la, nunkawng dik kawhhmuh zawk ang che....