Aizawl | August 13, 2018:
Vawiin tlai khan Secretariat Conference Hall-ah Union Minister of State for Agriculture & Farmers' Welfare Pi Krishna Raj chuan Chief Secretary Pu Arvind Ray leh Agriculture & Allied Department pariat aiawh sawrkar official pawimawhte a kawm.
Union Minister of State For Agriculture & Farmers' Welfare Pi Krishna Raj chuan Agriculture & Allied Services sector a Mizoram hmalakna te a lo hriat tawh thin thu a sawi a. Agriculture hmalaknaah hlawhtlinna lian zawk hmu turin Mizoramin theihna a nei a, Horticulture hnuaia hmalakna atang phei chuan Mizoram hian Organic State ni theih turin theihna lian tak a nei tih kawngtin rengah a chiang a ni a ti. Agriculture kaihhnawiha hmalakna hrang hrang zingah Animal husbandry hnuaia Vawkvulh te Fisheries hnuaia hmalakna Cage cultureah te hmasawnna a awm thu a sawi a. Agriculture & Allied sector hnuaia hmalakna dangah te pawh nasa zawka tan lak a tul thu sawiin a hmalakna pawimawh te thuam chak leh zual turin kawng dap a ni ang a ti.
Meeting-ah hian Union Minister of State for Agriculture & Farmers' Welfare Minister sawmna in Agriculture(Crop Husbandry), Agriculture(R&E), AH & Vety, Horticulture, Fisheries, Sericulture leh LRS & WC Department Director te theuh bakah I & WR Chief Engineer leh Rural Development Official te chu Minute 5 chhunga an hmalakna te Powerpoint Presentation hmang tarlanna hun pek an ni a. Heng Department pariat a Commissioner & Secretary leh Secretary te theuh bakah ICAR, Kolasib atangin Official te pawn meetingah hian an department enkawl hmalakna chungchang te sawiin an mamawh te Union Minister hnenah hian an thlen a ni.
No comments:
Thanks for your comment.