VANKAL SOLAR PARK HAWN A NI

Kawlkulh | Augsut 24, 2018: Vawiin August 24, khan P&E minister R Lalzirliana chuan  Kawlkulh Highway Restaurant, Kawlkulh-ah Vankal Solar Park a hawng. 

Nizan ruahsur nasa vanga kal theih a nih tak loh avangin Vankal Solar Park hi Kawlkulh atangin a hawng ta mai nia hriat a ni. 

Minister chuan, 'vawiin a remchang taka Kawlkulh a Vankal Solar Park hawnna programme hman te pawh hi thil tawn ngai loh, mahse tha tak si leh remchang tak, hriat fo chi anih thu sawiin.
  Vankal khuaah chuan remchang hmasa berah kal ngei a tum thu a sawi a, khaw lar leh danglam, fal deuh raiha awm, chanchin pawh ngah tak anih avangin a hmun ngei a kal a, khaw mipuite hmel hmuh a, chibai ngei a tum thu a sawi a. Programme ruahman lawk anga hun hman theih ni lo mahse, vawiinah hian thil tam tak a hmuchhuak ani tiin Khuallian Pu R.Lalzirliana chuan Vankal Solar Park tawngtaia Pathian hnena tha taka a hlan thu a sawi. Kohhran Upa leh zai thiam Sangkimi Khiangte in music tel lo va,a hang ngei a kalkhawmte a awi chu ngaihsanawm a ti, mizo te hi behchian kan dawl tawh a,hmasawnna hmun tur a awm zel chu lawmawm a tih thu a sawi bawk.

Khualzahawm Pu H. Rohluna Education Minister chuan ama bial ngei ah 20mwp  Vankal Solar Park hawn a ni chu amah leh a bial te tan thil lawmawm leh chhinchhiah tlak tak a ni a ti a. Vankal mai bakah a bial hmun dang ah te sorkar leh P&E Department tan hmasawnna rahbi an tuk chhoh zel naah lawm thu a sawi.

Programme hi Pu H.Lalengmawia IAS P&E Secretary in kaihruaiin, he park hawn Programme ah hian Pu T.T.Zothansanga MLA chuan he lam bial sorkar in a ngaihsak chu lawmawm a tih thu leh ralkhat atanga thlir fo thin kal chakawm tak Vankal in P&E Department hmalak na atanga Solar Park hawn a lo ni chu lawmawm a tih thu leh hmasawn na hriat reng tlak a ni a ti.

Lawmthu sawitu Pu Laldela, S.E, P&E Aizawl chuan Vankal khua ten Solar Park siam nana hna thawhna kawng hrang hrangah phur taka an tawiawm leh a puih thin naah lawmthu a sawi a. A hmun ngei a an kal chilh thei lo erawh chu mihring te thu a nih loh avang in hrethiam turin a ngen nghal a, Technical report hi Pu C.Lianlunga, S.E, P&E in a pe bawk ni.