AMAH A LUNG TAWLH SAWN THIN

★Opeey-a Khiangte

_______________________________________

Hei hi Sailing stones, sliding rocks, leh moving rocks te an ti a. geological phenomenon a ni a, Lung chu anmahniin an tawlhsawn thin a, an kalna hnuhma pawh a awm zui mai thin a ni.

Lung a hnuai thap-ho ngil taka an tawlh laiin, a hnuai mam palho chu an tawlh kikawi vak thung a. Lung thenkhatte chu an inlinglet hret hret a, a hnuah phei chuan an hnuhma pawh a danglam ta daih thin. 

Engemaw chen chu, Lung pahnih awmdun chu ngil tak, parallel-in an tawlh a, a pakhat zawk chuan hawi lam (kalna lam) a thlak ve fo va, a changin a tawlhkir leh daih thin bawk a ni. Hetianga Lung tawlh hrut hrut chingho hi hmun dang dangah an awm a.

Chung zingahte chuan, Little Bonnie Claire Playa, Nevada leh Racetrack Playa, Death Valley National Park, California-a mite hi an lar zual hle awm e. Racetrack Playa-a Lung tawlhte hi kum 1900 chho vel atang khan an lo zirchiang hle tawh thin a, khawi atanga tawlh tan nge an nih tih chu thil hriat har tak a ni a. research pawh an nei nasain ngaihruatna hrang hrang a chhuah phah bawk.

  

Mahse,  August 2014 khan, Lung tawlh dan video an tichhuak a. Chu chuan, Lung tawlh chu thli thawt nat lohna, Vur tui thinna area vela thleng a ni tih a tilang a. Tichuan,  scientist-te'n Lung chesawn thinho chu Vur chet/tawlh vanga chesawn a ni tiin an finfiah ta a ni.

On-line journal PLOS-ONE-a zirchianna an tlangzarh, August 2014-a mi behchhanin, Articles thar reported a awm ta a. researcher-te'n GPS leh time-lapse photography hmangin Lung chet vel dan an en a, a chhan an hrechhuak ta a ni.

Research team hi cousins James chuan a ho va, December 20,2013 khan Lung chet vel dan documented an siam thlap a. heta lung tawlhsawn an enchik deuhho hi lung 60 aia tam a ni a, lung thenkhat chu  December 2013 leh January 2014 inkar chhung lekin 224 meters lai an tawlhsawn hman hlawm a ni.

A chhan ber chu, Heng lung innghahna hmun hi hmun vawt tak a ni a, Zanah phei chuan vur a khawn urh thin. Chung vur khawnte chu zing nichhuakin a em tui a, chutia an tui lai chuan, Thli vawt tak a thaw vuk vuk reng bawk si a, vur tui che vel leh thli vawt thaw vuk vuk chuan Lung chu an titawlhsawn ta thin a ni.

  

A chang phei chuan, minute 1 lek chhungin meter 5 laia thuitein an tawlhsawn hman thin. GPS atanga an chhut dan phei chuan, lung tawlhsawnte hi vawi khat tawlhah, minutes 16 chhung an tawlh a, 2013-14 thlasika playa pond (vur khawn pan tak awm thinna hmun) awm laiin, lung tam tak chu tum 5 lai an tawlh thin a ni.

Playa pond hi vur awm thinna hmun tih ni mah se, vut tamna hmun a ni a, vur karah pan takin an inzep fur a ni deuh zawk mah a ni.(Opeey-a Khiangte)

★★★★

(Website a Fakna awm i lo click zauh khan website man tal a lo tum ve mai thei a sin.)