DRONE TECHNOLOGY

(He thil hi enge anih? Tunlai Mizoram in an buaipui em em lo chik ve teh le..!)

★Opeey-a Khiangte

_______________________________________

SPECIAL POST

_______________________________________

A zawng zawng sawi lovin, a zualpui aw ni ang.. Drone hian khawvel a chiah hneh tawh hle a, sawi uar deuhte phei chuan, Computer Age kan tih ang hian, Modern culture hi "Drone Age" a ni tawh e te an lo ti hial a. Amaherawhchu, chuti em chu a la ni chiah lo deuh maithei..

Unmanned aerial vehicle (UAV) hi Drone tia kan hriat lar em em kha a ni a, unmanned aircraft system (UAS) niin, a siamtute azirin hming hrang hrang puttir a ni a, pilot awm lo Thlawhna (aircraft) te tak te a ni.

Tin, mihring pilot chuang lo a nih avangin, remote control hmangin ralkhat atangin an thunun a, computer hmanga thunun chi thlengin a awm a ni. UAVs hi chu, aircraft pangngai tana hlauhawmah hman a ni thin a. Mimalin hmang ve tho mah se, military leh special operation applications-ah hman ni tlangpui.

Unmanned aircraft system (UAS) tih thu hi, United States Department of Defense (DoD) leh United States Federal Aviation Administration chuan, kum 2005 khan, Unmanned Aircraft System Roadmap 2005–2030 milin an hmang tan a.

International Civil Aviation Organization leh British Civil Aviation Authority pawhin chu chu an hmang veleh bawk. Drone sawina hi chi hrang hrang a tam hle a. unmanned-aircraft vehicle system (UAVS), remotely piloted aerial vehicle (RPAV), remotely piloted aircraft system (RPAS)ḷeh a dang dangte pawh a la awm bawk a ni.

UAV hi Military applications mai bakah, aerial surveying of crops atan te, filmmaking atan te, search and rescue operations atan te, power lines leh pipelines endik nan te, ram leh khua thlir vel nan te hman a ni a.

Hmun kilkhawr leh tlawhpawh harsa bika medical supply nan te pawh hman a ni. Chubakah, civilian government agencies, businesses, leh private individuals lamte pawhin an hmang tangkai thin hle a ni.

Drone hi ram changkangho chuan an ngah hle a. Russia chuan Tu-141 "Swift" te, Tu-123 "Hawk" te, doodlebug te leh La-17P (UAV) te a nei a. Tin Russia chuan Drone 43 lai a nei a ni.

Chutih rualin, US pawhin a ngah hle a, Ral leh Hel beihna atana an hman ngun em em pawh a ni. U.S. military chuan unmanned aerial systems a nei nual a, a lar zualte chu: 7,362 RQ-11B Ravens; 145 AeroVironment RQ-12A Wasps; 1,137 AeroVironment RQ-20A Pumas; 306 RQ-16 T-Hawk Small UAS systems, 246 Predators, MQ-1C Grey Eagles; 126 MQ-9 Reapers; 491 RQ-7 Shadows; leh 33 RQ-4 Global Hawk large systems te a ni.

United States-in Terrorist-ho do a puan khan, U.S. military officials lam chuan regular taka terrorists do a buaithlak tih an hrechhuak a.

Tichuan, thil thar ngaihtuahchhuakin hmalak a ni ta a ni. MQ-1 Predator UAVs hman a ni a, chu chu Hellfire missiles-a thuam a ni a, ground targets beitu a ni. Armed Predators-te chu kum 2001 tawp lam khan, Pakistan leh  Uzbekistan-a base-ah atangin hman a ni.

A bik takin, high-profile individuals (terrorist leaders, etc.), Afghanistan rama inkulhte beihna a ni a. Terrorist-ho chu Afghanistan, Pakistan, Yemen, leh Somalia-ahte beih an ni.

Drone tangkai em emna chu, aircraft kha terrorist-hovin kap thla pawh nise, pilot thi tur leh terrorist kuta pilot tang tur an awm tawh dawn lo a ni.

Drone hman tangkaina hi a tam tawh hle a, thil engkim deuhthawah hman a ni ta. Chutianga hman tangkai zualnate chu: 

1) Commercial and motion picture filmmaking.

2) Journalism.

3) Search and rescue.

4) Demining.

5) Scientific research.

6) Surveying.

7) Commercial aerial surveillance.

Drones hmangin chhiatna thlenna hmuna thil awm dan thla lak a ni a, information pawimawh a la zung zung thei thin a ni.

Tin, Peru-ah chuan, archaeologists-te'n leilung survey nan drone an hmang a. Jordan-ah pawh, drones chu looted archaeological sites evidence hmuhchhuah nan hman a ni.

UAV chi khat, Yamaha R-MAX chu, Japan chuan aerial application atan a hmang a. Japanese farmer-te'n, kum 1987 atang khan, Huan leh Lo a Thlai thenfai nan Yamaha's R-50 and RMAX unmanned helicopters an hmang a ni.

U.S. Lamah pawh crop spraying atan UAV an hmang. UAV chu ram leilung thlalak 3D images siam nan pawh hman a ni bawk. January 2016 hian, Ehang UAV chuan drones thar-in passengers a phur thei ta tih a puang a, khawvela passenger phur thei Drone awm hmasa ber a ni.

Unmanned aerial vehicle (UAV) chu ram hrang hrang an siam a. UAV, 500 kg-a rit phur thei leh, a lo berah 300 km lai thlawk thei export chu, Missile Technology Control Regime chuan a phallo a ni.(Opeey-a Khiangte)

★★★★