ANGEL FALLS (Khawvela Tuikhawhthla sang ber a chanchin kim changin)

 ANGEL FALLS
(Khawvela Tuikhawhthla sang ber a chanchin kim changin)

★Opeey-a Khiangte
__________________________________________

Group dangah hmu in awm tawhin ka ring.Mahse, an ziak chiang lo deuh nuaih mai a. chuvangin, chiang deuh hlekin i chhiar ve thung ila..

Angel Falls hi Tuikhawhthla hming a ni a. Spanish-ho chuan Salto Ángel an ti mai thin a. chu chu Pemon tawnga Kerepakupai Vená tih niin, a awmzia chu "waterfall of the deepest place" tihna a ni.  Parakupá Vená te pawh an ti a, hei pawh hi a awmzia chu "the fall from the highest point" tihna a ni. He Tuikhawhthla Angel Falls hi Venezuela rama awm a ni a, khawvela Tuikhawhthla sang ber niin, 979 m (3,212 ft) laia sang a ni.

NOTE: Angel Falls tihah hian pakhat aia tam sawina "Falls" a nih chhan chu, helai hmuna Tuikhawhthlaah hian, pakhat anga ngaih ni mah se, a hranpa te tein, insi lek lek si a tui inkhawhthla a awm fer fur vang a ni. an vaia pakhat anga sawi nan chuan Angel Falls tih a lo ni ta a ni.

He Waterfall awmna lai hi Canaima National Park-a Auyantepui Tlang a ni a. Canaima National Park chu Bolívar State-a Gran Sabana region-ah a awm a, UNESCO World Heritage site a ni nghal bawk. He falls atanga tuikhawh thla hi Gauja River (Kerep River or Kerepacupai)-ah a luang a, chu chuan, Carrao Lui fintu Churun River a pawh phei leh ta a ni.

Heta Tuikhawhthla hmingte "Angel Falls" hi 20th century laihawl vel atanga phuah tan kha a ni a. U.S aviator Jimmie Angel hmingchawia phuah an ni. Jimmie Angel hi he Tuikhawhthla chung zawna thlawhnaa thlawk hmasa ber a ni. Jimmie Angel-a a thih hnuin, a ruang halral vap chu Angel falls-ah hian ni 2 July 1960-ah thlak darh a ni ta bawk a ni.

Chutih rualin, Spanish tawnga Salto Ángel an tih pawh hi, Jimmie Angel-a surname atanga lakchhawn tho a ni. Kum 2009 khan, President Hugo Chávez chuan, Angel Falls tih hming hi a original hming, Pemon tawnga "Kerepakupai Vená" ti a thlak a rawt a.

A chhan chu, heng falls te hi  Khawvela a ber an ni si a, an ram tawnga hming awm sa chu hlu zawka a ngaih vang a ni.

Amaherawhchu, a hnuah, hming thlak ngei ngei turin dan siam burna erawh a ni lem lo va, Kerepakupai Vená tih hming a bo palh mai ang tih ka venthawnna a ni zawk tiin President chuan a sawi.

Historians thenkhat chuan, European-ho zinga he waterfall tlawh hmasa bertu chu Fernando de Berrío a ni e an ti a.

Fernando hi Spanish explorer a ni a, governor a ni bawk a ni. Venezuelan explorer Ernesto Sánchez La Cruz-a'n a ziah dan chuan, kum 1912-ah amah Cruz-a'n he falls hi a hmu a, mahse, a puangzar ta lem lo a ni.

Cruz-a hian Montoya Falls, Sierra Pacaraima region-a awm kha a hmu a ni thei a, chu chu 500 m aia sang a ni.American aviator Jimmie Angel-a'n Ore bed zawng a ni 16 November 1933-a,  Angel falls chunga a thlawh hma khan, Angel falls chu tuma'n an hre lo hrim hrim zawk niin a lang.

Ni 9 October 1937-ah Angel-a'n a thlawhna Flamingo monoplane El Río Caroní chuan, Auyan-tepui tlangchhipah tum a tum a, Mahse, a thlawhna ke chu tlanga dumah a tang ta tlat mai a.

Angel-a leh a nupui Marie telin a chuanpui 3 te chu Tepui tlang atanga an chhukthlak chhung pawh ni 11 lai a ni. Chutia an kal vel dan Adventure chu a lo lar ta phian a, tichuan, amah an ngaih ropuizia lantir nan, Tepui tlanga Tuikhawhthla awm chu Angel falls tiin an phuah ta a ni.

Chutih laiin, Venezuelan government map-ah, Salto Angel tiin December 1939 khan a hmasa ber atan dah a ni. Angel-a thlawhna tang pawh kha, kum 33 chhung zet tlangchhipah a awm a. a hnuah,  helicopter-in a khaichhuak ta a. Tichuan, Aviation Museum, Maracay-ah dah a ni a, tunah hian Ciudad Bolívar airport-ah dah a ni.

Tlanga Tuikhawhthla san zawng teh tura American journalist bul tuma expedition neitu chu Ruth Robertson a ni a, chu chu ni 13 May 1949 kha a ni.

Tlang panga hrui hmanga lawn tum hmasak ber chu Fur lai kum 1968 khan a ni a, lung a nal lutuk avangin an pamtul a. Kum 1969-ah a thawh hnihna atan khaw ro hun laiin an kal leh a, hemi tum pawh hian an hlawhchham leh a. ni 13 January 1971 khan an lawnchhuak thei ta a.

Tlang lawntute hian, lawnchhoh nan ni 9 leh ni chanve an hmang a, hrui hmang veka chhukthlak lamah ni khat leh a chanve an hmang bawk a ni.(Opeey-a Khiangte)

★★★★