SOLOMON'S TEMPLE (Kohhran Thianghlim/The Holy Church) †

 SOLOMON'S  TEMPLE

(Kohhran Thianghlim/The Holy Church) †

SUNDAY POST

★Opeey-a Khiangte

__________________________________________

Solomon's Temple tih leh Kohhran thianghlim hi a lar em avangin, hre lo kan awm angem aw ka ti rilru niap niap thin....

Solomon's Temple hi Aizawl, Mizorama awm a ni a, Kohhran Thianghlim ('The Holy Church') ta a ni a. he kohhran hi Dr. L.B. Sailo chuan kum 1984 khan a din a, kohhran mi leh sate chu 'the elects.' tih a ni. An kalphung leh tum (mission) ber chu khawvel puma Pathian thu puanzar a ni.

† History

A dintu Dr. L.B. Sailo sawi danin, kum 1991 khan, thlarau pawlna changin, Pathianin  Solomon’s Temple chu Mizoram-ah sa turin a ti a ni. Chumi sakna hmun atan chuan Aizawl chhak lam side-ah ram a lei ta a. mahse, han kal velna leh luhchhuahna remchang tak a nih loh avang leh ram a tet deuh avangin, hmun dang a zawng leh ta a. Aizawl thlang lam ram a dap leh a, chuta a hmuh chu Aizawl atanga 10 km-a awm a ni a, foundation stone pawh 25th December 1996 phum a ni.
__________________________________________

† Architecture

Solomon's Temple chhungah hian mi 2,000 lai an leng a, a pawn lam (courtyard) nena chhut chuan mi 10,000 lai an leng thung a ni. A area zau zawng hi square site 180 ft. niin, Temple chhung zau zawng chu square, 120 ft a ni. verandah hi 30 ft.-a zau a ni bawk a, main Hall nena inzawm kual mupa siamin, a hmingah pawh ‘The porch of Solomon’s Temple’ tih a ni.
__________________________________________

† Design

Building hian Luhkapui (main doors) 12 leh side tinah kawngkhar 3 a nei vek a,Building bathlar chung zelah chuan pillars sang tak dah a ni vek a, chungte chuan Davida arsi 7-te an khai theuh bawk. chumiin a entir chu, Thupuan (Rev. 1:20)-a inziak, Kohhran pasarihte tirhkoh a ni. pillar tinahte chuan Isua khenbehna Cross (kros) lem leh anmahni kohhran (Holy church) chhinchhiahna (emblem) dah theuh a ni. Bathlar chuanchung berah chuan, Vantirhkoh 2-in Pilliar chhip lam hawiin, Tawtawrawt an ham a. pillar hmar lam side-a awm an ni. helam pang hi tunah chuan Building luhna bera hman a ni.

Tower chhip zum pali (4) chu Temple main hall zawnah dah a ni bawk a. Tower chu square shaped niin, a chhip lam erawh kil ruk nei (six-sided spire) niin, a chhip berah chuan Lallukhum (crown) dah a ni. hei hi a han sang lai bera awm a ni a, chhip zum tenau (mini-spires) dang 4-in an karcheh ta a ni. Temple hian tukverh 32, Ventilations 32, leh skylights 32 a nei a ni.

Temple hmunhmaah hian, a daihlima, a hrin dup theih nan thing chi hrang hrang leh thei (fruit tree) an phun nasa hle a. hei vang hian sava pawhin nuam an ti hle ni tur an ni, an kat nuk zel mai thin a ni. He hmun tlawhtute tan hian restaurant pawh siam tum a ni. he lai hmunah hian educational institution leh social service center te bun tum a ni bawk.

An kohhran sum mamawh hi kohhran mi leh saten an thawhkhawm zel mai thin a. Chu bakah, hmun hrang hrang atang pekkhawmte pawh a awm bawk. he hmun tlawhtu thenkhatten tanpuina tam lua leh tlem lua awm lovin an pe ve thin bawk a. Amaherawhchu, hetia sum lutkhawmah hian, inpekluihtir leh nawrluihna a awm lo thung.

He Temple hi Mizorama tourist attraction/destination zinga pakhat a ni a, mite tlawh nasat em em leh ram pawn lam atanga lo kalte phei chuan tlawh ngei ngei tura a ngaih thin a ni.
__________________________________________

† ADMINISTRATION

Aizawlah general headquarters an nei a. Executive Committee chu rorel khawl sang ber a ni. Mizoram-ah hian division 7 a awm a: Lunglei Division, Serchhip Division, Mamit Division, Champhai Division, Saiha Division, Kolasib Division leh Darlawn Division. division tinte hnuaiah chuan local church a awm ve leh zel bawk a. Kohhran inrelbawlna (administration)-a body hrang hrangte chu:

1) Executive Committee:-
Purchase Board
Property Trust

2) Building Advisory Board :-
Decoration Cell
Temple Coordinator
Technical i/c plantation
Divisions Committee

3) Publication Board:-
Information Technology Cell
Sound in charge

4) Mission Board:-
Media and Archive Cell

5) Youth Evangelical Front (YEF):-
Education Wing
Department of Child (Naupang Deptt.).
__________________________________________

† MIDNIGHT HERALD

He kohhran hian chanchin (bulletin) "Midnight Herald" (Zanlai Au Aw) tih a tichhuak ve a. Ni 20 september 1998 atang khan chawlhkar hnih dan zela a tihchhuah thin kha a ni. Ni 21 June 2011 khan Registrar of Newspaper in India-ah registered a ni a, hei hi registration number; RNI regn. No. MIZMIZ/2009/37924 chu a ni.
__________________________________________

† PHILEO

Hei hi kohhran chanchinbu (official bullet) kar tin chhuak a ni a, kum 1992 atanga tihchhuah kha a ni.
__________________________________________

† BOOKS

Publication Board of the church chuan lehkhabu 14, Dr.L.B.Sailo-ina Mizo tawnga a ziak chu a lo tichhuak tawh a, pakhat erawh chu Sap tawng (English)-a ziak (Sl.No.-5 Mystery of Elects) a ni. Chung lehkhabute chu:

1) Kraws leh Thlarau Thianghlim - 1983

2) Pathian Mihringa a Inpuanna Tluantling (Thlarauva Thawhlehna Ram) - 1984

3) Pathian Chatuan Thil Tum (Thlante Thuruk) - 1985, 1986, 1987, 1992 and 2004

4) Moneitu Au Aw (Thlante Thuruk) 1988, 1989 and 1992

5) The Mystery of Elects -1989

6) Khawngaihna Thutak (Kraws Thuruk)- 1990 and 1991

7) Lunghlu Kawngkhar Mawi (Kraws Thuruk) - 1992

8) Harh A Hun Ta ! (Booklet) - 1993

9) Chhandamna Lawng (Thlante Thuruk) - 1993 and 2010

10) Lal Isua : A Lo Kal Lehna - 1994 and 2011

11) Tunlai Khawvel leh Kristianna - 1994 and 1995

12) Kraws Daihlim (Testimony) - 1995

13) Kraws Daihlim (Thlante Thuruk) – 2005 and 2006

14) Nunna Tui Lui (Kraws Thuruk) - 2009

He kohhran Publication Board hi International Standard Book Number (ISBN) Agency, United House, North Road, London, United Kingdom hnuaia publishing agency/firm register puitling a ni tawh a. Tun hnai mai khan, ISBN system in category 5 (religious literature) hnuaiah Publisher's identifier nih a pek a ni.
__________________________________________

† MISSIONARY

Mizoram hmun hrang hrangah missionary an tir nual a. first batch missionaries te chu kum 1995 khan a bik taka hriakthih an ni. Kohhran hunserh leh function-ahtein anniho chuan officials/ministers nihna an chelh thin a ni.
__________________________________________

† SECRETARIAT

Secretariat hi Chawlhhmun, Aizawl-ah a awm a, Superintendent chu inrelbawlnaa lu ber a ni. functionaries dangte; cashier, clerk, assistant, etc. chu superintendent kaihhruaina hnuaia thawktute an ni. Church offset press pawh hemi building-ah tho hian bun a ni a, an kohhran inrelbawlnaa headquarters a ni.(Ziahkim loh leh hmaih palh a om mai thei.-Opeey-a Khiangte)

★★★★