Aizawl | September
17, 2018: Vawiin September 17, 2018 (thawhtanni) khan State Quality
Assurance Unit (NHM) huaihawtin Swachhata Hi Seva Campaign (Fai tura chet
chhuahna Campaign) hawnna hun chu Aizawl West College-ah hman a ni a,
Dr.Lalrozama IAS,MD,NHM chuan Khuallian niin hun a hmanpui.
Dr.R.Lalchhuanawma, SNO (Quality Assurance) in he hun hi
kaihruaiin Swachhata HiSeva chungchang sawi zauna hun a hmang a. India ram
pumah he hapta hi hman vek a nih thu te, sawrkar damdawiin zawng zawng ten uar
takin he hun denchhen hian faina hnatlang an huaihawt thin dawn a ni ati
bawk.
He hunah hian Khuallian Dr Lalrozama IAS Mission Director,
NHM he hapta hi a hawng a. MD hian fai tur chuan mimal tin ten mawhphurhna kan
nei a ni tih sawiin, kan damdawiinte a lo fai zawk theih nan mitin te tan la
thar turin a fuih bawk.
He hun hmang tura kalkhawm ten faina thuthiam chhiar
chhuakin hun an hmang bawk a. India ramhmun dang rualin September ni15 atanga
October ni 2, 2018 chhung hian Mizoram chhunga damdawiin hrang hrangah
Swachhata Hi Seva hi hman a ni dawn a, hemi hun chhung hian sawrkar damdawiin,
health department office, school leh anganwadi-ah te fai pawimawh zia a thara
inzirtirna neih tum a ni. Sawrkar damdawiin leh Health Deptt. office-ah te hemi
hun chhung hian faina hnatlang nei tura ruahman a ni bawk.
No comments:
Thanks for your comment.