GOOD AND BAD LUCK SIGNS

GOOD AND BAD LUCK SIGNS

★Opeey-a Khiangte

Puithuna mak tak tak leh ngaihdan hlauhawm pui pui hi, khawvel hnam hrang hrangte hian mahni hnam zia ang zel hian kan nei hrang ve thliah hlawm a. 

Thil ni ve thei awm tak takte pawh a awm thin. Chung zinga thenkhatte chu chhiar ve leh teh ang u le…

♣1) Black Cats (Zawhte dum) : UK-ah chuan, Zawhte dum hi lucky-ah an ngai a, a bik takin, kawng I kal laia I hmaa kawng a rawn kan (cross) chuan, I lucky hle dawn tihnaah an ngai. 

Chumi opposite chiah chuan USA leh Europe ram tam takah an ngai thung a. Zawhte dum an hmuhna hmun reng reng chu hmun tha lo leh thil tha lo thleng turah an ngai thin. 

USA-ah chuan Zawhte var hi chu lucky-ah an ngai a, hei hi UK-ah chuan lucky lo leh thil tha lo ah an ngai thung a ni.

__________________________________________

♠2) Horseshoes : Horseshoe chu thir a ni a, Sakawr keah an dah thin hi a ni. Horseshoe I chhar a, a awng lamin a a chhawn che chuan lucky-ah mi tam takin an ngai. 

Tradition tam takah chuan, Horseshoe hi luhka chungah an khai thin a, hei hi chhungkuain vanneihna an tawn theih nana tih a ni. Europe ram tam takah chuan, Horseshoe hi an khai thin reng a ni. 

Britain leh Ireland-ah chuan, Horseshoe an khai hian a awng lam chu chung lam an hawitir a, vanneihna a kal tluang duh bikin an hria a ni.

__________________________________________

♣3) Clovers : hlobet chi khat clover hnah pali nei hi a vang hle a, tupawh chutiang hmutu chuan sual hnathawh lo awm tur a hre thei a. tichuan, pumpelh dan a hre thei ta thin a ni an ti. 

__________________________________________

♠4) Ladders : Leihlawn (ladder) bang nghenga tun hian, bang nena an inkar awng chu Kilt hum nei (Triangle) a ni ta thin a. hetianga leihlawn dah hnuaia kal hian vanneih lohna leh zah kai lohna a thleng thin a. 

Hei hi a chhan chu, Triangle chu Holy Trinity anga ngaih a ni. Chumi vanduaina tibo tur chuan, leihlawn hnuaia awm lai taka kuttang suih emaw, duhthusam sawiin a ni. 

__________________________________________

♣5) Magpies : Magpies hi Sava chi khat a Ni a, a tlangpuiin, hmuingil lohnaah ngaih a ni. He rin dan hi Bible atanga lakchhawn a ni a, Magpie hi Nova lawng (Ark)-a lut duh lo awmchhun a nih vang a ni.

Amaherawhchu, China-ah chuan, Magpie hi vanneihnaah an ngai hlauh thung a. chuvangin, thah loh tur an lo ti thin a ni.
__________________________________________

♠6) Mirrors : Darthlalang tihkeh hi kum 7 chhung hmuingil theih lohna niin an ngai thin. He rin dan hi tun hma atanga lo lar hle tawh a ni a. 

Darthlalanga I thla (I lem) awm kha I thlalau a ni a, chuvangin, darthlalanga tihkeh vanga I lan dan a lo danglam khan, thil tha lo a lo thleng ta thin niin an ngai. 

Chutia vanduaina rei zawng chu, Roman-ho rin dan atanga rin chhawn ve a ni a, Roman-ho ngaihdanah chuan, nunna hi amahin kum sarih danah a intuaithar thin a ni. 

__________________________________________

 ♣7) Spilling Salt : Tun hma chuan chi hi a hlu hle a. chuvangin, tihbuak vaih chuan thil tha lo thlen phah theiin an ring a ni. Mahse, chutia thil tha lo thleng thei pumpelh dan chu a tibawtuin a dar veil amah chi pir khat a theh zeuh tur niin an ngai bawk.
 __________________________________________

♠8) Number 13 : Number 13 hi hmuingil lohna nia an rinna hi hman lai atanga rin dan a ni a. Roman-ho phei chuan number 13 hi thihna leh chhiatna niin an ring tlat mai a ni. Norse-ho thawnthua, ruai/chawhlui kil tura mikhual 13-na kha thlarau sual a ni an ti.

Christian-te pawhin number 13 hi tha lo leh unlucky-ah an ngai a, chu chu Isua Zanriah hnuhnung (The Last Supper) atanga ngaihtuah chhuah a ni.

A awmzia chu, Isua kha a zirtir 12-te awmkhawmnaah a thu ve a, tichuan, a 13-na chiah chu Isua a ni ta a, An khengbet tar eng a nih kha.

Mi thenkhat chuan, chawhlui mi 13-in an kila, kham hmasa ber emaw, chawhlui an kil lai kalsan hmasa bertu chu, chumi kum ral hmain a thi ngei ngei dawn niin an ring tlat bawk thin. 

★1) Space Mission Apollo 13-na kha Apollo 13 tia koh a ni a. ni 13 April 1970 khan a thlawh laiin, a chhungah thilpuak a awm a, Oxygen a leak ta a. khawvel lamah a lo kir leh phah ta ringawt a nih kha.

★2) September Ni 13 Zirtawp ni, kum 1928 khan, thlipui Hurricane avangin mi 2,000 lai chu Puerto Rico, Florida leh Virginia thliarkar-ahte an thi a. cheng dollar maktaduai 25 hu zet bungraw chhia leh senso a awm phah ta a ni.

★3) France khawpui ber Paris-ah phei chuan inchhawng 13 a awm miah lo.

★4) Italy pawhin, an ram National Lottery-ah number 13 an dah duh ngai lo.

★5) USA-ah chuan, Thla (month) tina ni 13-na a lo thlen hian, Dollar maktaduai khat a chan (lost) ziah thin. A chhan chu, rel leh thlawhna ticket book-tute’n an cancel leh nasat thin vang a ni. He niah hian hna pawh thawk duh lo an tam thin hle a, business lam pawhin a tlakhniam phah sawt thin.

★6) Mayan leh Central America-a Aztec-ho chuan number 13 hi lucky-ah an ngai tlat thung. Chu bakah, China ramah pawh, an tradition atang hrim hrimin lucky number-ah an ngai.

★7) Buddhist-ho pawhin, an puithiam lu (Buddha) 13 liam tate zahna leh chawimawina an lantir thin. Orthodox Jewish-ho tawngtaina buah ‘13 Principles of Faith’ dah a ni bawk.(Opeey-a Khiangte)

★★★★