Lunglei | September 6, 2018: Vawiin khan Lunglei khawpui chhunga NGO hrang hrang, VCP te leh Lungleia Police Officer ten SP Office Conference Hall Lunglei sual dona kawnga thawhhona chungchangah meeting an nei. He Meeting hi Pu C.Lalthanmawia MPS Superentendent of Police Lunglei District in kaihruaiin sual do kawnga thawhho dan tur Zu leh Ruihhlo dang hluar zel do ho dan tur sawiho ani.
Ni 10/8/21018 a Home Minister Office a meeting thuchhuak angin halpuah leh halmawi emaw naupang silai lem a mu kapchhuak thei chi hi zawrh leh hman khap tlat ani a, he khapna thu hi a kenkawh dan tur Meeting ah hian sawiho ani. Hemi bakah hian SP, Lunglei chuan kan hmalawk a MLA General Election lo thleng tur chungchangah NGO leh khawtlang hruatute thlawpna leh tanpuina a ngen bawk a, Lunglei District chhunga Election felfai tak a awm theih nan Sawrkar Official te tha tak a thawhpui turin NGO leh khawtlang hruaitute hi a sawm ani.
Tunah hian Election ralmuang taka neih a nih theih nan Silai nei zawng zawng ten an License leh Silai endik sak vek turin Lunglei District ah pawh chak tak a hma lak mek a ni a, Lunglei District chhunga Silai nei zawng zawng ten mahni awmna atanga Poilice station hnai berah ni September ni 15, 2018 ral hmaiin an Silai leh License kenga endik tir vek tura hriattir leh ngen an ni. Heng bakah hian Lunglei Traffic Road Accident/Road Safety Illegal Foreigner/ILP Violators chungchang leh Lunglei khawpui chhung hmun hrang hranga CCTV dah mek chungchang te leh pawimawh dang te sawiho a ni bawk.
- DIPR
No comments:
Thanks for your comment.