Siaha | September 3, 2018: Vawiin chawhma dar 10:00am khan Pi B. Malsawmtluangi, Election Officer,
Siaha District chuan DC Office Complex
atangin Siaha District Mobile Polling Stations Van a vai liam.
Hun tawi te buatsaih hi Pu VL Zuithanga, Coordinator, SVEEP, Siaha
Diatrict-in a kaihruai a ni.
Election Officer chuan thu sawiin, kan hma lawka inthlanpui kan
hmachhawn turah hian hmun tinah VVPAT hman tur a nih thu a sawi a, he khawl
hmang hian vote thlaktuin a vote ngei kha khawlin a chhinchhiah a ni tih a hmu
thei tawh dawn a ni, a ti bawk. India khua leh tui kan nihna angin vote thlak
hi kan tih tur a ni a, mi dang zirtirna kawngah pawh theihtawp kan chhuah a
ngai a ni, a ti bawk.
Mobile PS Van hian District puma polling stations zawng zawng tlawh
chhuah a tum a. Mipuite hnenah EVM hmanga vote thlak dan zirtirna pek zel tum a
ni. Tunah hian Siaha district-ah Polling
station 79 a awm mek a. Mobile PS Van hi ni 40 chhung a tlan kual dawn a ni.
- dipr
No comments:
Thanks for your comment.