SUN CRUISE RESORT & YACHT HOTEL

[Vawin World Tourism Day Pualin]

★Opeey-a Khiangte

__________________________________________

Tourist destination

__________________________________________

He Lawng, Tlang pawnga inchhawng vu mai hi 'Sun Cruise Resort & Yacht' tih a ni a. hotel resort, Jeongdongjin-a awm niin, chu chu South Korea ramchhung chhak lam vaukama awm a ni.

He hotel pianzia hi a dangdai hle a, Lawngpui (Cruise ship) anga Designed a ni a, 165 metres (541 ft) laia sei, 45 metres (148 ft) a sang a ni a. Luipui kam (beach)-a awm a nih angin, khawhawi a zau va, a thengthaw nuam em em mai a ni.

Khawvel pum huap pawhin, Lawng pianze pu Hotel hmasa ber a ni a. Luipui kam hmun pawng sang laiah sak a ni a, Luipui thui taka inzarpharh duai mai chu, a thlir vawng vawng theih ta a ni.

A hrim hrimin, Jeongdongjin khua hi Nichhuak tir leh Ni tla lai mawi tak han thlirna hmun tha tak a ni a. Chu chu a hmingthanpui reng a. chubakah, Tourust-te tlawh ngun em emna hmun a nih vang pawh hian, tourist destination a tih loh theih loh hial a ni.

Chuti a nih tawh sa naka laia, Lawng piaze Hotel awm lehzel hian a tihmingthang zual ta em em mai a ni.

He hotel-ah hian Room 211 a awm a. chungahte chuan: bedrooms leh apartment te a tel a, function rooms 6 a awm tel bawk. restaurants pawh 6 lai a awm a, chungte chuan Korean leh European food an siam thei nghal vek a. Tin, top floor-ah Rotating bar a awm bawk a, chuta tang chuan, customer tan khaw thlir leh hawi vel a nuam hle thin a ni.

Chu chang a la ni lo cheu! Infiamna lam te pawh a awm lehzel a; netted golf range, volleyball court leh fitness club te chenin a awm a ni. cruise ship theme pawh Hotel-ah an tiri thin a, chu rimawi dangdai tak chu Tuifawn ri a ni a, beng titlai em emtu pakhat a ni.

Chu mai bakah, Helai Resort-ah hian, Hotel bul lawkah Park nuam tak siam a ni a, a inpharh duai mai a ni. He Resort-ah hian thil Hmuhnawm leh danglam tak a la awm leh a, chu chu, "The Hands of Promise" saw a ni.

Lei atanga Kut lian tak pahnih phar lai lim leh Milim dang dang a awm nual bawk a ni. Chubakah, Khaw thlirna (observation area) a awm a, a chhuat chu glass floor a ni a, Luipui chunga awm a ni. exhibition hall leh lake te pawhin mi a hip thin hle bawk.

Kum 2003 khan, Titanic hotel an tih chu, Hetianga Lawng pianzia ang hian Turkey ramah sak a ni ve ta a ni.(Opeey-a Khiangte)

★★★★