US sipaite chuan Pakistan chuan a ram chhunga firfiak pawlte laka action a lak loh avangin ṭanpuina a pek tur dollar maktaduai 300 chu an sut leh tih an sawi.
US President Donald Trump chuan Pakistan chu US aṭanga ṭanpuina sum tam tham tak a dawng chungin US a bum reng niin a lo puh tawh a ni.
Pentagon thupuangtu Lt Col Kone Faulkner chuan Pakistan ṭanpuina tur sum cancel tak chu thildang pawimawhah hman a ni zawk dawn tih a sawi. Mahse an hmanna tur hi Congress-in a pawmpui ve leh phawt a ngai ang.
State Department chuan Pakistan chu a ram leilunga firfiak awmte, a bikin Haqqani network leh Afghan Taliban te laka action la loah puhin an lo sawisel tawh bawk. Col Faulkner chuan Inrinni khan thuchhuah siamin, "Pakistan sorkar chu thleibik nei loa a ram chhunga firfiak pawl hrang hrangte chunga hremna lekkawh turin kan nawr fo a ni", a ti. Kumin January thla khan US sorkar chuan Pakistan ram ṭanpuina sum tam zawk chu a hrek sak tur thu a lo puang tawh a ni.
US leh ram dangte chuan Pakistan chu a ram chhunga firfiakte zalen taka an chettlat phalsakah an lo puh fo tawh a, Afghanistan-a firfiakten pawikhawihna an thlen theihna turin Pakistan chuan a ramri kaltlang phalsakah an puh. Mahse Pakistan chuan an puhna hi a pha thung.
Kar kalta Zirtawpni khan US chuan UN Palestinian refugee agency, United Nations Relief and Works Agency (Unrwa) tana sum a pek ṭhin chu a tihtawp vek tur thu a puang bawk. US chuan ṭanpuina sum pek ṭhin hi a hmanna a dik tawk lo nia sawiin, a titawp dawn tih a sawi.
- Vanglaini
No comments:
Thanks for your comment.