SUPPORT CHUAUNGO

SUPPORT CHUAUNGO

 (Lawrence S. Khawzawl, 5th Nov.18, Serampore College)

Dikna ziahfung vuana,

Ram leh hnam tana thawka,

Hnaa rinawm țhin kha;

Dorâl hrângin chhem thla.

Zoram khawvêl dêngchhuak e,

U leh nâute țangrualin,

Au chhuah zâi an rêl e;

Ram leh hnam humhalh tûrin.

Mitin lairil a fana,

Mitin thinlai a naa,

Kan âu chhuak e;

Kan ding chhuak e.

Hruikhat vuan hun a ni,

Nghet takin kan vuan ang,

Suihlung rual hun a ni;

Kan țangrual tlat zêl ang.

Dikna'n ro a rêl anga,

Luipui angin a luang ang,

Kan ram a him anga;

Lalpa a thu ber tawh ang.

(#supportchuaungo #shashankout)