RINNA HI PATHIAN HNENA LAWMTHU SAWI LAWKNA A NI

 *RINNA HI PATHIAN HNENA LAWMTHU SAWI LAWKNA A NI*

- Rick Warren

- 22 June, 2021

“Engkim in tawngtaia in dil apiang chu hmu tawhah inngai ula; tichuan, in hmu ang.” Marka 11:24

Rinna hi Pathianin a ti thei tih rinna chauh a ni lova. Rinna chu Pathianin thil engemaw tak a rawn ti ang tih beiseina chauh a ni hek lo. Rinna chu Pathian hnena lawmthu sawi lawkna a ni. 

Isuan, “Engkim in tawngtaia in dil apiang chu hmu tawhah inngai ula; tichuan, in hmu ang” a ti. Marka 11:24

Heti hian i sawi a, “Min nghak lawk la! Ka thil lak tur mumal taka ka lak theih hmain Pathian hnenah lawmthu ka sawi lawk a ngai.” A dik a ni. I lawmna chu Pathian hnen atanga i thil dawn hnuah i lantir a, chu chu lawmthu sawina a ni. Amaherawhchu i dawn hmain lawmthu i sawi lawk a nih chuan chu chu rinna a ni.

Lawm chu a dikin a tha em em a. Mahse rinna thuk zawk neih i tum tur a ni. Chutiang rinna nei tur chuan, Pathian hnenah lawmthu i sawi lawk thin a ngai a ni.

Pawisa sang chuang lak theihna lehkha lo pe ta che ila, lawmthu min hrilh nghal dawn nge pawisa a taka i lak hma chu i la nghak dawn? Nilo, tunah lawmthu min hrilh nghal tur a ni. Mahse pawisa chu i kuta a awm hma chu i ta a la ni lovang, a chhan chu, chu lehkha chu intiamna chauh a la nih vang a ni. Chu lehkha chu ka pek rual che in, “Rick, ka lawm e” i ti ang a, mak min tiin, bank-ah chuan pawisa engemaw zat ka nei turah i ngai bawk ang.   

Chutiang chiah chuan rinna chu Pathian hnena lawmthu sawi lawkna a ni a. Pathianin min tiam chu min pe ngei ang tih rinna a ni. Pathian chu Pathian a nih avangin i hmangaiha, a thiltihtheih vang ni lovin. Chu chu a thil sawi ang ngeiin a ti ang tih rin ngamna a ni.

Ni khat chu mitdel pahnih hian Isua chu a chenna inah an zui a. Ring takin khawngaih turin an dil a, tichuan Isuan rinnaa an neih chuan a tihdam tur thu a hrilh a ni. Anni chuan an rin thu an sawia, Isuan, “In rin angin in chungah thleng rawh se” a ti a. (Matthaia 9:29).

Ka sawi awmzia chu: Pathianin lui kal tur pakhat hi zui rawh a tih che chuan zui mai rawh, a hlawhtlintir dawn che tihna a ni.

  

Han ngaihtuah la

Tawngtainaa i thu chham zin pawl kha han ngaihtuah teh? Chu chu i rinna nen inzawmna a nei em?

Pathianin i thil dil apiang chu a pe ngei dawn che a ni tih i hriat chuan engtin nge i rilru leh ngaihtuahna i tihdanglam ang?

Ring tak tak chunga tawngtaina chuan engtin nge i tawngtai dan a tih danglam ang? Rinnaa Pathian i biakpawh theihna tawngkam hmang chuan tawngtai rawh le.

*[Lettu: Sangpuia]*