INDEPENDENCE DAY-AH DRONE LEH AERIAL CAMERA KHAP

Aizawl | August 14, 2018: Aizawl District SubDivisional Magistrate chuan Independence Day 2018 Celebration neihna tur hmun Aizawl Lammual, Raj Bhavan leh Chief Minister Banglaah te venhimna tha taka kalpui a nih theihna turin Sipai Lammual chungah, Raj Bhavan compound chungah leh Chief Minister Bangla chungah-te Remote Contol hmang Drone/Aerial Camera leh hetiang lam chi reng reng, August 15, 2018 hian thlawh tir khap a. He thupek bawhchhia an awm a nih chuan an Drone/Aerial Camera te man sak emaw kahthlak sak a ni ang a, an chungah dan angin hremna lek a ni dawn a ni.

LAWNGTLAI BAWRHSAPIN PRRS CHUNGCHANGAH THUPEK CHHUAH

Lawngtlai Dawrhsap, Pu. N. Chakhai MCS chuan Lawngtlai Dictrict chhunga Vawk hri, Porcine Reproductive and Respiratory Syndrome (PRRS) natna leng mek vangin CrPC section 144 tlawh chhanin July 2, 2018 khan a hnuaia mi ang hian thupek a chhuah: 

1. Vawk thi reng reng tha taka phum vek tur a ni.

2. Vawk thi reng reng khamah emaw, kawrah emaw paih mai mai loh tur.

3. Lawngtlai District chhungah khawi atang mahin vawk lak luh phal a ni lo.

4. Lawngtlai District chhung atangin vawk lak chhuah phal a ni lo.

5. Vawk talhtute'n vawk hrisel tha chauh an talh tur a ni.

6. Vawk neitute'n vawk damlo an hralh tur a ni lo."

He thupek hian thu leh a awm a nih loh chuan puan a nih atanga thla 2 chhung a huam ang a. A zawm lote chu IPC section 188-na hmanga hrem an ni ang.