10 GATEWAYS TO THE UNDERWORLD (Tunhma ringtu hmasa te'n hremhmun/meidil luhka a an lo ngaihte chu)
- ★Opeey-a khiangte
SPECIAL POST / SUNDAY POST
__________________________________________
Thenkhatin “Gates to Hell” te, “Gateways to the Underworld" te, underworld te, Hell te, Hades te leh, Xibalba te pawh an lo ti thin a.
A enga pawh chu nise, chutianga Leihnuai khawvel awm rinna atanga rin dan leh chanchin lo piangchhuak chu, tam tak sawi tur a awm a.
Chung zinga hriat theih chin leh a lar zual 10 chanchin chu chhiarho leh dawn teh ang u le..
★10. Masaya Volcano - Masaya Volcano Tlangkang hi Nicaragua rama awm a ni a. 14th century hun laia Spaniard-hovin Nicaragua an awp lai khan, Masaya Volcano hi "Infierno de Masaya" tiin an sawi a, chumi awmzia chu “The Mouth of Hell” tihna a ni.
Chutih hun lai chuan Europeans mi tam zawkte khan Tlangkang nihphung lam an la hre ngai vak bik lo hle a. Thlarau hnathawh vanga lo awm niin an ngai ber thin a ni.
Volcanic eruption lamah knowledge an la nei lo hle tih hriatna chu, Catholic kohhran meuh pawhin Tlangkang reng reng chu Meidil luhka-ah an ngai vek zel mai thin a ni.
Nicaragua rama Spaniards-ho va luh hma pawh khan, Nicaragua ram mi reng reng chuan, Masaya Volcano Tlangkang chu 'pathian' a ni e an lo ti thin reng a. pathian angin an bia a, Thilhlan-te nen lamin an va hlan thin. ni.
Khawkheng thlen kum phei chuan, pathian tihlungawi nan mihring an va hlan thin a. Tlangkang chirh sa lutuk rawn inphuhchhuah thinna awng-ah khan Naupang an zuk thlak thin a. chu chuan pathian rilru thlaktirin malsawm ruah a rawn surtir an beisei tihna a ni.
_______________________________________
Chu hmun an va paltlang turah chuan, Thisen Lui (Lui tui thisen vek), room Bak tam mangkheng phut mur murna , chemte inchhun palh awl tak awm fer furna, sihal kawlh tam tak awmna te an paltlang ngei ngei a ngai dawn niin an ring.
Chu kawng (Khan) Xibalba chu sacred mythological texts hrang hrangahte a lang a; the Popol Vuh-ah pawh a lang bawk. Chu Ancient Maya-hovina an kal huphurh em em (kaltlang ngei ngai si)-a an ngaih chu, Mexico-a Yucatan Peninsula saw ni ngeiah University of Yucatan-a archaeologist pakhat, Guillermo de Anda-a chuan a ngai a ni.
Ancient Maya-ho khan Puk a nih hrim hrim chuan Hmun thianghlimah an ngai vek zel bawk a. Puithuna mak pui pui an lo nei tam hle niin a lang.
_______________________________________
★8. Osorezan Translated as “fear mountain,” - Osorezan (Mount Osore) chu, Japanese mi thenkhatina Leihnuai khawvel luhka nia an rin a ni a. Chu chu Osorezon-a Aomori Prefecture hmar tawp lama awm a ni.
Osorezan hi Leihnuai khawvel luhka ni a an rin mai bakah, foreigner leh tourist-te tlawh zin em emna hmun a ni. Tin, Osorezan mai bakah, a chhehvel hmun pawh sawn khualkhua atanga lo zinho mit a la thin hle a, Bodaiji Temple leh crimson bridge-te saw hmun hmingthang tak mai a ni a.
Thawnthuah phei chuan Ramhuai pahnihin an veng tlat niin an sawi. Kum sangtel liam ta khan, Tlang thianghlim/ hmun serh zawnga a chhuah laiin, Osorezan hi Buddhist monk pakhatin a va hmuchhuak a ni.
Tin, Osorezan hi peihnuai khawvel (mitthi thlarauho tualchaina) nia an sawi lar chhan tak chu, Buddhist texts-a Meidil hmun chanchin inziak nen khan a hmun hmelhmang hi a inan em vang a ni.
Chuvang tak chuan, Meidil/Leihnuai khawvel Luhka ni ngeiah mi tam takin an ngai ta reng a ni.
_______________________________________
★7. Darvaza - Kum 1971 khan, Turkmenistan-a Karakum Thlalerah accident a thleng a, chu chetsualna avang chuan Darvaza gas crater (the “Door to Hell" an tih mai) kha a insiam ta a ni. A tirah, Soviets-hovin kha Thlalerah khan natural gas awmna hmun an hmuchhuak a. Gas laihchhuah tumin an verh ta vak a, mahse, vanduaithlak deuh maiin an leiverh chu a chim a.
An tum aia a let tam taka zau leh thukin a awng/kawrawng thla ta ruih mai a ni. Khur chhunga poisonous gas awm kha lo chhuakin pawn lama a taidarh an hlau a, khur hi hal ila, a chhunga gas awm zawng zawng chu rei lo teah a kangral vek mai ang tih rilru pu-in, khur chu an hal ta ngawt mai a.
Mahse, an rin dan ang lo takin, a chhunga gas chuan kanral tih reng a nei thei tlat lo. tun thlengin a la alh hluah hluah reng a ni.
_______________________________________
★6. Actun Tunichil Muknal - Yucatan Peninsula-a Sinkhole awmho an ngaihdan ang deuh khan, Actun Tunichil Muknalin Belize pawh hi Xibalba luh thlakna kawrawng dang pakhat niin an ring a. Puk mawi tak angin lang mah se, a chhungril thuk lamah chuan, a lan dan leh hmelhmang a dang daih thung niin an sawi.
Mayan legend-ah, Meidil khan indawt dan hi pakua lai a awm a. Chutiang chiah chuan, Actun Tunichil Muknal pukah hian Chamber pakua a awm ve tlat a ni. Tin, Actun Tunichil Muknal pukah hian Bur leh Bel (pot) a tam em em mai a.
An pathian-te tlawn lungawi nan leh tih-lawm nan, Chung Bel-ahte chuan Theitui leh Chaw an dah thin niin an sawi. Puk khur thuk zawk thlenga zuk luh thlak chuan, mihring ruh a lo let rum mai a.
Chung mitthiho pawh chu pathian tih-lawm nana an sacrifice-te ruh niin scientist-te'n an ring a ni. Ngun taka an zirchianna atanga an hriatchhuah chu, Maya-ho khan hnam hnuaihnungte chauh an sacrifice lo a, Noble chhungkaw thenkhat pawh an sacrifice tlat tho a ni.
_______________________________________
★5. Hekla - Vur ramah pawh Tlangkang hi a awm thin a, chung zinga pakhat chu Hekla hi a ni. Kum zatel liam ta atang tawh khan, mi tam takin Hekla hi Meidil luhkaah an ngai a, chumi a nih loh vek pawhin, Hekla hi Meidil chu a ni ngei ang tih hi an ngaihdan a ni bur mai a ni.
Chuvangchuan, Hekla chu eng thil chiah nge a nih tih hre thei tur pawhin an va tlawhpawh tha ngam thin lo a. Mahse, Kum 1750 khan, Bjarni Palsson leh Eggert Olafsson-te chu Hekla Tlangah an va lawn a, Tlangkang satliah mai a ni tih an va hrechhuak ta a ni.
Engvang nge Icelandic people khan Hekla hi Meidil luhkaa an ngaih tlat chhan? A chhan awm thei ta chu, Hekla leh Bible-a Meidil chanchin khan inanna tak a nei a. khatih hun laia kohhran khan Meidil a awm tak tak a ni tih thu hi mipui thinlungah an tuh duh a.
Chu chuan mipui rilru lapengin, Pathian an belh duh phah an ring a, Hekla chu Meidil luhka tih thu an thehdarh ta a ni.
_______________________________________
★4. Hellam Township - Pennsylvania-a awm Hellam Township saw hmun mawi hle a. Chulai rama Tuikhawhthla, Dil leh ramngaw te chu a mawi em em mai niin an sawi chamchi thin.
Amaherawhchu, chutiang taka hmun mawi chu ni mah se, Thawnthu Tihbaiawm tak sawi tur a awm tlat thung. A chhan chu, Hellam Township area khawilai emaw-ahte saw'n, Meidil luh thlakna Khur pasarih lai a awm nual niin an sawi.
An sawi danin, Satanist-ho hmun serh awmna hmun a ni ve reng reng a. Chung Khur pasarihte chu a indawt dan tur dik taka luhin Meidil a pawh thei a ni. An sawi leh zel danah chuan, chung Khur zinga pakhat chu chhun en lai pawhin a hmuh theih a.
A bak khur dang parukte erawh chu Zan khaw thimah chauh a hmuh theih thung. Sawi neuh neuh atanga a lan dan phei chuan, Gate hmasa ber chu mimal ram 'Trout Run Road'-a awm a ni. Mahse, chu chu Town area pawn lama awm a ni.
_______________________________________
★3. Storm Tunnels of Clifton - Clifton, New Jersey-a Tunnel saw Satanists thenkhatin Meidil luhka ni ngeiin an ngai a. A tirah tak chuan, Tunnel piah lawka Lui Weasel Brook nena inpawha siam a ni.
Mahse, a chhan hriat lohvin Tunnel-ah chuan tuiluang reng reng hmuh tur a awm tawh lo a, a ro vek tawh a ni. Tunah chuan, Tunnel chhungah Satanist-ho an inhmukhawm thin a.
Ramhuai lemziak, Satanic signs leh ramsa ruang lo chu hmuh tur a awm ta meuh lo. Chung ramsa ruangte chu Satanist-ho inthawina niin an ngai tlangpui. Thuthang velah phei chuan, room pakhat, mi naran-ina a awmna hmun an hriat loh, secret room a awm a.
Chu room atang chuan leihnuai luh thlakna kawrawng a awm a ni. Tin, An sawi danin, Ramhuai Pai-ho chauhvin chu secret room chu an va luh pawh thei a ni. Secret room chhungah chuan Luruh eng (glowing skull) a awm a, chumi awmzia chu, Satana zuk hmu ngei tura Meidil lama lut thla tih entirna symbol niin an sawi.
______________________________________
★2. Pluto’s Gate - He hmun hi Plutonium tih te, Ploutonion tih te leh, Pluto’s Gate in Pamukkale tih tein an sawi a, Turkey rama awm a ni. ancient Greeks leh Romans-ho khan Leihnuai khawvel luhka-ah an lo ngai tawh thin a ni.
Pluto’s Gate hi ancient city 'Hierapolis'-a Apollo's Temple bul lawka awm niin Puk lian lem lo tak a ni a. Chutianga puk te ve tak chu ni mah se, a tet ang ngawt chu a ni tlat lo. Mite tih leh rap, hmun serh nia an lo ngaih thin a ni tlat thung.
A chhan chu, a chhunga luh chu thihna a nih miau vang a ni. Hman lai khan an lo la hrethiam lo a, a chhungah hian poisonous gases turu tak a awm a, hip palh hlauh chuan chawp leh chilha thih nghal mai theih a ni.
_______________________________________
★1. Demon House - Indiana-a awm In pakhat chu Meidil luhka emaw, Ramhuai Tawmbuk emaw niin mi thenkhatin an ring tlat mai le.. Chu ina lo cheng tawh thin chhungkaw nu berina a sawi dan chuan, a fate pahnih kawchhungah ramhuai sual an lut a.
A fanu khuma mu lai boruaka kang deuh lu lu te a hmu a, ceiling-a a bet zui zui laite pawh hmu ngei niin a insawi bawk. Han rinhlelhsak dawn chuan le, Chu a thil hmuh chu mi thenkhat pawhin an lo hmu ve tlat lawi si a ni.
Exorcist-te kovin a fate zarbuaitu ramhuai chu hnawhchhuah an tum thin a, mahse, an hlawhchham zel a. Exorcist-ho meuh pawhina an hnawhchhuah theih tak si lohvah chuan, insawn ta ila a tha ang a tiin, An mangang chuan, an in luah lai chu an chhuahsan ta ringawt a ni.
(Opeey-a khiangte)
Source: WAGK & https://www.toptenz.net/
★★★
No comments:
Thanks for your comment.