2018 (Thawhlehni) Dar 11:00 am khan Mizo Zirlai Pawl Sub- Headquarters, Vairengte chuan kum 2017 - 2018 HSLC leh HSSLC Exam tithate chawimawina hun Vairengte Community Hall ah an hmang.
He hunah hian Khuallianah Pi Sylvie Zomuanpuii Ralte, Chief Judicial Magistrate, Kolasib District Khualzahawmah Pu Zion Lalremruata, Chairman, Vairengte Welfare Committee, Aizawl te'n an hmanpui a.
He hun hi Pu R. Lalmalsawma, Treasurer, MZP Sub- Headquarters, Vairengte in a kaihruai a. Nl. R. Lalremruati, ECM, MZP Sub- Hqrs, Vairengte in hunserh a hmang bawk. Tv. Chalrokhuma, MZP Sub- Headquarters, Vairengte in hmalakna Report pe in, Kum 2016 - 2017 Session aiin kum 2017 - 2018 Session ah Zirlai chawimawi tur an ngah thute a sawi a. Kum 2017 - 2018 Session ah hian HSLC Exam titha chawimawi tur 31 leh HSSL ah zirlai chawimawi tur 24 an awm thu a sawi bawk. Tin, zirlai chawimawina an neih tur pualin sum tuak hnatlang te neiin, theih ang anga sum an tuak thu a sawi.
Member boral Tv. Lalfakzuala, ECM, MZP Sub- Hqrs, Vairengte leh Pu Michael Zonuntluanga, Ex- Fin. Secretary, MZP General Hqrs, Aizawl te sûnna hun hman a ni.
Khuallian Pi Sylvie Zomuanpui Ralte, CJM, Kolasib District hnen atangin thusawi ngaihthlak a ni a. Zirlai titha chawimawi tur Distinction leh First Division thahnem tak Vairengte khua in kan nei chu lawmawm a tih thu a sawia. Zirlai titha chawimawi thei tura hmalatu Vairengte MZP hruaitute chungah lawmthu a sawi bawk. Khuallian chuan zirlaite chu thiam taka zirchhuak turin zirna Sikul tha a pawimawh ber loh thu sawiin, zirlaite chuan zirlai kan nihna angin kan lehkha zir chhanah kan chiang tur a ni, a ti a. Zirna sikul tha satliah, zir peih si loh chu awmze awm lo a ni a, kan zirna Sikul a tha emaw, a tha lo emaw pawh nisela, keimahni zirlaite theuh kan pawimawha, tum mumal tak neia, kan Sikul kal chhanah pawh rilru fing thiam tak chunga kan zirna kan dah pawimawh reng a tula, chuti anga kan tih tlat chuan kan hlawhchham lo ang a ti. Tin, Dân lam kengkawhtu anih angin, mipuite tana hriat tur dân kalphung hrang hrang pawimawh tak tak a sawilang bawk.
Khualzahawm Pu Zion Lalremruata, Chairman, Vairengte Welfare Committee chuan thu sawiin, Vairengte MZP ten Vairengte khaw pa anihna anga, duhsak taka Khualzahawma an hmang chu lawmawm a tih thu a sawia. Vairengte khua chu khaw nuam tak, khaw zahpuiawm lo tak anih thu sawiin, Zirlai ten Kum 2017 - 2018 HSLC leh HSSLC Exam Result chhuak atangin an tarlan thu a sawia. Zirlai titha Distinction leh First Division chawimawi tur thahnem tak Vairengte khua in kan nei chu ropui a tiin, lawmawm a ti a. Zirlai ten zirna kan ngaihpawimawhzia a hriat theih tih thu sawiin, zirna kawngah khawtlang hruaitute leh NGO's hrang hrangten ngaihtuahna seng thar se a duh thu a sawia. Vairengte khua chu Mizoram khaw lian zinga lang pha leh kan khaw dinhmun thlir chuan College te pawh a awhawmzia a sawia. College nei thei tura khawtlang hruaitute leh NGO's hruaituten hmalakna an nei anih phawt chuan Vairengte Welfare Chairman nihna angin kawng engkimah puih a inhuam thu leh Vairengte Welfare chuan an thlâwp tlat tur thu a sawia; Chuvangin, khawtlang hruaitute leh NGO's hruaitute paw'n College nei thei ngei turin hmalakna kalpui ngei se a duh thu a sawi.
Khuallian leh Khualzahawm te thusawi bakah hian Pu Vanlalrawna, CDPO, ICDS, Kolasib te Pu Lalnunmawia Paute, Gen. Secretary, Tv. Zosangliana Rokhum, President, MZP Hqrs, Kolasib te Tv. Israel Lalropuia, President, MZP Sub- Hqrs, Vairengte leh khawtlang hruaitu kal atangte in thusawi tha tak tak ngaihthlâk a ni bawk.
Kum 2017 - 2018 HSLC Exam titha Distinction leh First Division a Pass zawng zawng hi mi 31 an ni a. An zinga 22 hi Vairengte Centre a Exam an ni a, Distinction- an Pass pakhat awmin, midang 21 chu First Division- a Pass an ni thung. Tin, khaw pawna Exam hi mi 9 an ni a, Distinction- a Pass pakhat awmin, midang pariat chu First Division- a Pass vek an ni. HSLC Distinction leh First Division- a Pass zingah hian Letter Marks hmu mi pakua an awm a ni.
Vairengte Centre- a HSSLC Exam zingah Distinction- leh First Division- a Pass mi panga an awma. An zingah Distinction pakhat awmin, midang pali chu First Division- ah Pass in, Letter Mark hmu pakhat a awm bawk. Vairengte HSS zirlaite hi Arts Subject la vek an ni. Tin, Vairengte Centre-a Zirlai Pass kan chawimawi te hi Vairengte HSS zirlai vek an ni a, Result tha tak an neih avang hian MZP Sub- Headquarters, Vairengte chuan lawmawm an ti hlê a ni.
HSSLC khawdanga Exam Distinction leh First Division- a Pass hi mi 19 an awma. An zingah hian mi pathum Distinction- ah Pass in, midang sawmparuk chu First Division- a Pass an ni. Khawdanga HSSLC Exam zingah hian mi sawmpathumin Science Subject an la a, an zinga mi parukin Arts Subject an la thung. Science Subject la bikah hian mi panga in Letter Mark an hmu a, Arst Subject ah hian mi pathumin Letter Mark an hmu thung.
Zirlai titha kan chawimawite bakah Vairengte khaw mi Officer tlingthar mi pali bakah Sports lama mi hmingtha mi pathum hnenah lawmpuina Citation leh Zûnlêng Zâm lehkhabu, Hmangaihhlima ziah chu pêk vek an ni.
No comments:
Thanks for your comment.