TLEIRÂWL

THLAI CHI ANG INI TI A'N HRIET NAW LEIIN AN PHÛM CHE.

Ziektu : Ramneisang Faiheng

Model : Crossby Hrangkhawl,Churachandpur,Manipur

Tlangram Nu -le - Pa chau  nilo khawmin ei h riet seng ring a um.Thral a hung bo a, Lohai raw a hung nia,Hmang hai  khaw fel diem in Fur a hung hnaia Thlai chi hai thlak a hung nia,thlai chi hai chu Tuthlawte hai hmangin Leihnuoi chu tuk kawia Cho khurin Thlai chi hai chu, thonawk thei talo dingin sukse theitu Zu-le-va hai,Thilhring le rannung hai hmu el theilo dingin piellei sunga phumin  a um a. Sienkhawm,Thonawkna ni chaua Tho dinga Vui le phum ani naw angin,Thlai chi hai chu Thupsawng dinga phum ani naw an bawkin an hung kak suokin, an hung par suok nawk hlak. Thlai chi Ra tamtak insuo dinga Beiseina le phuma um hai ch

u Thli le Nisa hmuphak lo  Piellei sunga phum an ni leia  Ram trawltak le Leihnuoi Dumhmuka sen hmûi,suk hring dup tua inchang  in, Hringmi le zu le va hai tlân dingin ra tamtak an hung insuo hlak anih. Hieng ra insuoa umhai hi Ram sukmawitu el khela Taksa ramtaka hringnun sukhawitu le Insung tamtak suk ding changtu an ni hlak anih. Thlai chi hnuoia phuma umhai hi Danglam lo dinga phum an ni nawa,thlak ani anga um zing ding an ni naw, Phum an nia inthawka hun sawtnawte a Thi a Hmawn threa hringna thar nei dinga a thatnawna po pei thlaka hmawn ding an nih. Chu ang hrim chun, an thi a an hmawn zet a tul anih. An hmawn zet naw chun Ra insuoin mihai ta dinga fak insuo theiin an um ngainaw anih. Chu huna chun,Nu-le- Nau hai lawmna petu le Beiseina suk puitlingtu a hung ni ta hlak an nih. 

Khi a chunga ei hril ang khin mihriem hai hringnun tak khawm hi Thlai chi ang ei ni ding hi anih. Hringnun thlai chi neinawtu chu Mi lâwm thlak hringnun neilo in Mitin ta dinga Lawmna intluntu ni nekin, hnawksak le Thununna hlawlo khawlai nau hlawtu an ni pei hlak anih. Hringnun hi Pi-le-pu haiin Bêl rei zut ang ani thu an hril rawp hlak.Ani ngei hringnun hi an her kuol an herkuol hlak ani, an vir in an let an leta a pangngai bawka a kir nawka,chuonga in herkuol inher kuol chun hringmi chu Hringnun rinum le harsa,Hlimum le Lawmum huna hai an um tir hlak anih. Khawvel hi mitin in Harsat ei ti hun um ngei ata,chuong huna chun mani in ngai sie a,mani  chan dâwng bik le Vangduoi hrim dinga in ngai ding ei ni tawp nawh. Khawvel hin hringnun hi a nei nawa,Mihring Nang -le- kei hi ei ni lem ani Hringnun neitu chu. Khawvel hin iengkhawm harsatna amin tlun nawa,Nang le nang ani harsatna inpe a intluntu chu. Khawvel  a ei um sunga hringnun kalsiem in thlak thleng lei khan I nun ram pal an dang ding anih. Kha nun ram i pal a dang lam ang bawkin,i hmabak le i hun liemta an ang naw hle bawk ani kha. Chuonghai in ang naw lei chun mihriem ei kuom le kienga umhai khawm in ang naw in, a thren in lawmna min tlun an ta,a thren ruok chun trapna min tlun an tih. 

Amiruokelchu trapna, hun khata min tluntu kha,kawngtin renga Trapna min tluntu ni bik zing naw ni haia,Lawmna tawpkhawk min tluntu khawm an ni ngei ding anih. Chu chu ani hringnun chu. A CHANGIN SÛOR SIETNA HMUNA, A CHANGIN TUI DAMNA HMUN A,chuong ang hringnun nei  dinga Pathienin Hi khawvel hluo dinga a siem hai laia Changkang tak a,ama ang puia a siem hai chu ei nih. Chuleiin iengkim hma a ei en le ngaipawimaw hmasat ding chu ei hringnun chelbân ding hi ani ta anih. Hringnun chelban infu lo neihai chu Trap le harawt na hmun ngawt tlung angin an hringnun hmang zo ngei an tih.

Khawvela hin Mihriem hai hi harsatna tuokin,sukmuolpho,Hmusit,Endawng le thlathlam ni inla khawm Thlai chi ang ei ni ti hi ei hriet zing sung chun, Mi tin i hne ban theilo le Tlawmngailo hringnun nei le  mi hlimtheitak le lawmnakim hringnun nei  mi ti a ko thei ni ngei atih. Pathienin harsatna le beidawngna tuok lo dinga amin duong le indin ei ni naw leiin,tukhawmin harsatna le buoina siem pekin i hringnun a i hming suksein Suk muolpho che in phum raw se che chu....Thlai chi ang ini ti kha hre zing rawh. Thlai chi thatak chu tukhawmin an phum hmang thei chuong nawh. Hnuoi muk tak le ngar tak khawm nisien,ding changa Parsuokna dinga a mamaw ni eng hmuna ding chun tukhawmin lampui an siempek a ngai nawh.Ama in a siemfawma a suok tho tho hlak anih. Ama khata ngirsuokthei hringnun nei ini kha.  Thlai chi anga tho nawk ngei ngeia i muolphona hringnun chu phum bo le inhmawn tir la Ngirsuok rawh. Tu in am i ngir suok hnung chun hung hne ban el a chea ...?

Mi in sukmuolpho chea,an intlawm phat che In suk hrat tharna remchanga hmang la,Huoisenna tharin inthuom la  Muolphona chu ngainep la,Hmingsietna chu Hmansuon ngam la, chu huna chun ani hmusit le endawng tuok huna um dan lampui a chun ngir ngam rawh.

Khawvela hin Mi hmingtha tha hi hmingsietna hau an ni a,Mi inza hai hi an nih,mi hnuoia kûn rawn, a hmasa ngirhai kuhi an nih, anuhnunga um hlak hai kukha. Khawvela hin Nang i anga danglam hi an um nawa,Nang i anga Hlutna nei khawm an tam nawh. Sawiseltu che an tam po le i thilthaw khan hlutna a hau ding anih.Sawiselna hlaw phaklo mihriem dam kerkur an tam.Sawisel thama an ngai che chun an ni neka insang meta um ini ti hre la,an hmusit che le Ngaisangumna hlawna ding lampui an kawk hmu che ani ti hre a, An intlawm che le Hratna chang hi a hlut zie an inhriettir che ani ti hre nawh.

Thlai chi ang ini ti kha hre la, a nuom nuom chu inphûmtir pei rawh. An phûm rawn po che le Dâwnthar hau ita i mawi zuol ding ani kha.

As they don't know you are the Seed,they buried you,But you grow back with much Ability.