ZAWLPUI TUILIAN UPDATE

Zawlpui Mini Sports Complex, tuiin a chim san lai ber

Tleirawl.in| 13 June 2018:

# Nimin tlai lam atang khan Zawlpui tui lian chuan kam lam a pana, mipuite pawh an thlabar lutuk tawh love, mahse tuilian ina a chim in leh lo te hi singsak ngai a awm nual dawn a ni.

# Kumdang zawng aiin Zawlpui khuaa Kau tui lian hi a lian zuala, mi tam tak in hmun him lam, tlang lam an pan hman a ni.

# Zawlpui khua a chengte eizawnna ber hi NUL siam a ni a, a season pawh awm chuang lovin kum tluanin KAU lui kamah hian NUL siamin thlai an ching thin a, Lunglei khawpui an supply thin a ni. Tun tum tui lian hian NUL zawng zawng a chim leh ta a, an dinhmun hi ngaihtuahpui chuan kuthnathawktute hi an khawngaihthlak leh hle dawn a ni. 

# In 350 bawr vel lai khua si hian Communication chungchangah hian Zawlpui khua hian harsatna a tawk renga, BSNL tower hi hun rei tawh tak atangin a activate tawh lova, Lungsen tower atang pek chhuah BSNL leh AIRTEL hi hmun thenkhatah chauh a man phaka, Jio network hi Jiofi  hmangin thenkhatin an man ve ngawr ngawr chauh a ni. Chu pawh chu duhthu a sam lo hle a ni. Hei hian kawng hrang hrangin rikrum thilah pawh mipuite harsatna a thlen a ni.

Zawlpui chungchanga post hma chhiar turin a hnuaia mi hi hmet la..
ZAWLPUI KAU LUI LIAN VANGIN AN BUAI