Aizawl | July 26 2018: All India Federation of Doordarshan Programme Personels, central committee huaihawtin tun kar chho hian India ram pum huapin Doordarshan station zawng zawngah lungawilohna lantir nan sit-In demonstration neih a ni a, DDK Aizawl pawhin he lungawilohna lantirna hi vawiin aṭang khan an zawm.
Doordarshan leh All India Radio-ah hian Kum rei tak chhung chu Programme cadre- a thawkte kaisan tir an ni tawh lova. A chunglamah Indian Broadcasting & Programme Service(IBPS) post 1038 lai luah khah loha awmin, Top Level officer ADG -ah IBPS dik tak mi 2 chauh an awm a ni. Director, dy.Director leh DDG post te chu IBPS in an luah lo a.
Heng post chelh tur hian Gazetted Officer rank-a he service-a lutte hi kaisan tir an nih loh avangin, kum 25-30 chhung zet an luhna post ngaiah an la awm mek a ni.
Hetih lai hian Service dang (IDES, IOFS, IIS, CSS, & IRS) aṭangin programme enkawl tur deputation-a koh luh ṭhin an ni a. IBPS recruitment rules-ah ADG(Prog) ni turin Publicity leh Programme Production-ah kum 17 tal experiance neih a ngaih thu a inziah laiin tunhnai maiah pawh Indian Telecom Service aṭangin mi 2 chu ADG(Prog) hna chelh tir an ni.
Programme cadre lam kaisan chak loh avang hian All India Radio leh Doordarshan station tam zawk chu Engineer officer in an awp mek a, hei hian programme ṭha siam chhuah kawngah nasa takin a tiṭhuanawp nia ngaih a ni. Heng thilte avang hian India ram puma Doordarshan leh All India Radio Station tinte chuan an lungawilohna hi an lantir ta a ni.
- Alfred Vanchhawng
No comments:
Thanks for your comment.