KA DAMNA A NI SI A.

- ABEL ( AB Samsui)

Hmangaina chun khawvel ngaidan a en naw a, a lairil sunga hmangaina thlukna chu det takin a chel lem hlak.Par mawi tak khawm a parvul lai a fasi num thil hring(insect) an tam hlak angin,hmangaina khawm a parvul lai tak a suk siet nuom hmelma an tam hlak.Hmelma chu keipui angin le tuipui in fawn angin hung hrang vel hlak hai sienkhawm samang thre na thu reng kan dawn naw a kumthlung thre naw thu di kan tiem lem hlak Dar ang in tawng chang an runa kan lawi chang chun naute in a nu fena nei ngai em ema anu trang a an bei tawt tawt angin in thla zai reng rel lova kan um chang khawm a bo si naw a.

Bervate le hramthiem vate hai khawmin thingzar buk chawl na ding remchang thra tak tak hmu hlak hai sienkhawm an ralthlan( vate hai bu ani ralthlan chu)chu an pan lem hlak,Khuoi(Bee) hai khawmin parte mawi tak hmu hlak hai sienkhawm par mawi rak lo zu(honey) nei chu an bawm lem hlak an ta ding in a hlu lem si a. Chung ang bawkin ka hmangai tak pan ding chun nuhngak hmelthra in ( house ) tamtak chu fe khel in an runa chun kan lawi lem hlak si a,hmangaina parzu thlan ding a um lem hlak si a.Mi hmangai naw tu hai bula um nek chun mi hmangai tu hai bula um chu a hlu lem si a.

 Hmangai Johan( Bible a thupung su ziek tu)zawlnei ropui le thil um ding hai lo hmu lawk tu hmu phak lo ni ngei a ti kan pahni kara hmangaina thawn thu hi ,zawlnei han lo hmu phak hai sien chu kan chanchin hi Bible a hin a chuong awm si a.Solomon hausakna neka ropui lem le hlu lem ka lung Di le kan in hmangaina chu chel zing pumin,ring um takin piellei thlan thim kan bel hma chun samang thre zai reng kan rel awm si naw a.Ka hringnun KA DAMNA A NI SI A.