KAN INNGAIZAWNG EM? 5

CHAPTER - V

Ziaktu : Rinfela Zadeng

www.tleirawl.in

Half Girl-Friend!

Rinawma chu hlim ru deuh leh inti - Thangchhuah Pa rilru pu takin Hostel pan in a haw a. Hostel a thlen hnu a a inbual zawh chuan Mali chu a'n 'WhatsApp' a -

Rinawma: I chungah ka lawm a ni tawp mai.

Mali:Ngati maw?

Rinawma: Min duh ve avangin. Nangmah atangin ka nunah beiseina thar tam tak ka neih phah.

Mali: Hei...Lehkha zirzo phawt ang kan tih kha.

Rinawma: Mahse bul kan tan tawh lawm.

Mali: Mahse zirlai nih chuan rilru pek a har ka tia...ka duh vak lo a...a tir a ka sawi ang khan..

Rinawma: I rilru zawng zawng ka phut lo, lo rinawm la ni mai. Mi dang ta i ni thei tawh lo.

Mali: Hahhhaa..

Rinawma: Fiamthu nilo. Diktak chuan ka hmangaih che ni deuh ber tawh. Mahse tihbuai che ka tum lo.

Mali: Fiamthu lo e...sawi tawp ah chuan bialpa neih hi ka peihlo a...'tia inkawm hi nuam ka ti zawk a. 

Rinawma: Mahse bul kan tan tawhlo mi? Min duhlo nih chuan tha takin min hrilh zawk dawn nia.

Mali: Ok...mahse inkawm ka duh zawk. Bialpa neih hi chu ka la inring lo.       

Dar 5:30PM ah Rinawma te chuan zanriah an ei a. Zan inkhawm te leh eng eng emaw a tih zawh chuan dar 9:57PM a ni a. Rinawma Chuan Mali chu a va Whatsapp leh a-

Rinawma: Inkhawm in bang tawh mi?

Mali: Aw...bang tawh.

Rinawma: I tha em?

Mali: Um....

Rinawma: Vawiin kha nuam i ti em?

Mali: Um...mahse zahthlak...

Rinawma: Ngati nge?

Mali: I chimawm em a lawm.    

Rinawma: Bul kan tan ah ka lo ngai a (Zawngte hmai hup 1).

Mali: Sawi tawhlo ang.

Rinawma: I fel hi ka ti takzet a ni Mal...

Mali: Ka fello lutuk.

Rinawma: I mut chhuak tawh em?

Mali: Chhuak rih lo e...

Rinawma: Min ning em?

Mali: Ning lo e...

Rinawma: Min kalsan miah suh.

Mali: Khawiah?.

Rinawma: Mipa dang bulah.

Mali: Ka peih lo.    

Rinawma: Ih maw....

Mali: Um....

Rinawma: Pathian kutah engkim awm rawh se. Pathian remruat kan nih chuan engmahin min dal lo ang. Kan nihloh erawh chuan engang pawhin  tum ila kan awm dun theilo ang.

Mali: Nia...a dik chiah a lawm.  

Rinawma: Keimah hi ka pawimawh ber. Pathian rinchhan ngeia hmangaih neih hi ka mawhphurhna a ni.

Mali: Nia...hmanhmawh lo la...kan ta tur hi chu min pe mai zel.

Rinawma: A dik khawp mai. Neih hi ka tum tawh miahlo a...i lo lang nawlh a...ngaihzawn che hi ka tum reng reng lo. I lakah hian beisei leh phut engmah ka neilo. Pek let tur che pawh ka nei lo. Pathian hian rem tise kan dam chhunga kan pahniha A rawngbawl dun erawh ka duh. 

Mali: Nia...kan la bawl dun mai thei a sin.  

An inkar chu a hnawk ve phian mai. Mahse Sap thufing pakhat chuan 'Easy Come, Easy Go' kha lo ti ve tho bawk a. Awlsam taka 'relationship' siam hi chu awlsam tak hian a chhe ve leh mai bawk a. Chutih rual erawh chuan tu emaw chuan nat phahin a tliah phah ve vek thei tho. He thawnthu kan ziah mek pawh hi hnawk nuaih leh buaichuar nuaih nise la, a tawpna erawh hlimawm tak ni thung se....mahse a ziaktu ngei pawh hian a tawp dan tur ah thuneihna pumhlum a nei lo...lo chhiar zel phawt mai teh.

September 10, 10:15PM

Rinawma: I chungah hian ka lawm takzet a ni. Ka hmangaih tak tak tawh che .

Mali: Chuan?.

Rinawma: Min kalsan suh - Ka hmangaih che..i lo kal ang tiraw?

Mali: Khawiah?

Rinawma: Ka bul ah..

Mali: 'Tiang sawi tawhlo ang kan tih kha.

Rinawma: Ka ta ni rawh....min kalsan thei tawh lo...min duh velo mi?

Mali: Mak thin e...

Rinawma: Mali...ka hmangaih che.

Mali: Pliss..in biak tawhloh ka thlang zawk....'tiang ai chuan..

Rinawma: Nih... Half Gril- Friend aw?

Mali: Ka hre lo..

Rinawma: Half Girl- Friend kha i chhiar tawh em? Cheetan Baghat ziah a nia..

Mali: Cheetan Baghat chu ka chhiar peihlo thin a....One Night at A Call Centre ziak tu kha nia. 

Rinawma: Zawhna pakhat chiah ka zawt leh ang che aw?

Mali: Aw...

Rinawma: Half Girl - Friend chuan inremsiam mai ang aw?

Mali: Aw le...

(End of Chapter V)