MINISTER IN TACHHIPAH BIRDS SPOT HAWNG

tleirawl.in | 05 July 2018 : Vawiin khan Tachhip khua a Birds Spot chu Pu KS Thanga, Bialtu MLA leh Agriculture minister ni bawk chuan khuallian niin a hawng. 

He Birds Spot hi Tachhip Branch  YMA leh  ASEP te bultuma Tachhip lal mual hlui a an  buatsaih a ni a. 

He hawnna hunah hian Pu Lalrinmawia, Polital Adviser, pawhin khualzahawm niin a hmanpui a. ASEP member leh  Tachhip  YMA hruaitu leh  khawtlang hruaitu ten an kal tha hle. 

" Mizo History a hming lang  hmingthang tak tak  Sibuta te, Tualvungi leh Zawlpal te leh mithiam hmasa  Kaphleia  te  hmingputna Tachhip khua  ah Chungleng Savate tualchaina  Birds Spot  hawng theia  a awm avanga  lawmthu sawiin khuallian  Pu KS  Thanga chuan  amah ngei pawh a seilenna khua   anih thu a sawi.

Tachhip YMA ten a tula hman tangkai turin  Rs. 10000/-  a pe bawk ani.

Khual zahawm Pu Lalrinmawia, Political Adviser  pawhin thu sawiin  ram changkang zawk te pawh in an la neih loh Birds Spot  kan ram,Tachhip ah ngei  siam a lo ni chu lawmawm a tih thu leh  Tachhip  khua a lawmpui thu a sawi a. Naupang  te ah tan lak a ngaiin   Nu leh Pa  leh enkawltu ten  ramsa leh savate  humhalh a tul zia an  zirtir a ngaih  tthu a sawi.

Hawnna inkhawm tawi  ASEP President Pu K.Lalmuansanga kaihruai ah hian  Pu Lalhmunsiama ASEP hruaitu in sava hram dan a entir a Tachhip Branch YMA President Pu H.Vanlalrawna chuan lawmthu  a sawi., hetah hian Tachhip khaw chhunga  zirna in zawng zawngte Tachhip khawtlang hruaitu YMA, VC, MHIP leh MUP te an tel a, Aizawl lam atangin Association for Environmental Presentation (ASEP) hruaitute leh member engemaw zat an tel a ni.

.Birds Spot  hmun hma   puitlin na tur atan hian kum khat vel zet Tachhip Branch YMA leh ASEP General Headquarters, Aizawl ten inbiakna an lo neih tawh hnuah June 21, 2018, Lalmanga Nu lawm rawihni khan inbiakremna (Agreement) ziak felin Tachhip YMA Park chu Birds Spot atana puan an rem ti a. A hming atan ‘Tachhi-Asep Birds Spot’ tih vuah a ni a. Hei hian a hming hmasa YMA Park tih chu luahlan lovin nungcha leh sava humhalhna atan he hming thar hi a put belh ta a ni.