SERCHHIP AH BAWLHHLAWH BAWM SEM

tleirawl.in | 05 July 2018: vawiin khan District Sanitation Task Force Serchhip DC Conference Hall ah Serchhip khaw chhunga YMA Branch hrang hrang 21 te hnenah Community Dust Bin 83 a sem chhuak. Inkhawm tawi buatsaih a ni a, Pi Vanthangpuii, DUDO Serchhip in a kaihruaia, khaw chhunga YMA Branch 21 aiawh te leh Village Council member te an tel tha hle. 

Bawlhlawh bawm hi  District Sanitation Task Force Chairman Pi Sangchhin Chinzah, Bawrhsap ni bawk chuan hlanin, " Serchhip khua chu India ram khawpui fai inelna Swachh Survekshan, Northeast Zone ah 23 na niin khaw 220 zinga hetiang dinhmun luah thei khawpa faina lama hma kan sawn chhan hi VC leh YMA te vang ani a. Ni kuma Mizoram khawpui fai inelnaa parukna ni pha thei chauhvin kumina Northeast a 23 na leh Mizoram District khawpui zinga a langpha awm chhun ni bawk theia awm tur hian theih tawp in chhuah tih ka mit ngeiin ka hmu a, ka chhuang che u a ni," tiin YMA hruaitute leh khawtlang hruaitute chungah lawmthu a sawi a. Kuminah Khawpui fai inelna a awm leh a nih chuan pakhatna le thei ngei tura faina kawnga tan la turi kalkhawmte a a chah bawk ani.