tleirawl.in | 02 July 2018 : Ni 30.06.2018 (Inrinni)ah Mizoram hmun hrang hrangah MZP-te bul tumin 'Remna Ni' hman a ni a.
MNF President Pu Zoramthanga chuan PUC Campus-ah a hmanpui a, Pu Zorama chuan, "He remna kum 32 lai lo awmah hian, he remna atana tuartute thawhrah chu Pathianin a chhang a, khawvela remna hlawhtling ber leh duhawm ber a lo ni hi a lawmawm hle a ni. He remna hi Zofate tan a pawimawh em em a, he remna avang hian State Sorkar kan lo ni a, remna hi tu siam bik mah ni lovin Mizoram mipui zawng zawng lungrualna leh thawh honate avanga remna hi thleng a ni. He remnaah hian Mizoram neitu nihna leh a khawih chetna chungchang chu Mizo mipuite kutah a awm, Zofate kan inhumhimna atana pawimawh hrang hrangte pawh Pu Laldenga ṭan tlatna a nih avanga remna thuthlunga dah telte an ni. Remna thuthlung hi a nghet a, a tlo a. Remna thuthlung hi Mizoten kan remtihna tel lova India Parliament-in a siam danglam theih a ni lo. A sign-tute thu lo chuan engmah tih danglam theih a ni lo. Kum 2010 khan Burma Under ground zawng zawng aiawhin, ram hran hrana remna leh muanna duh veten kan Rama muanna ang hi an duh ve a, hetiang remna nei ve tur hian Palai hna thawk tura sawm ka ni a, hei hian Zoramin remna leh muanna kan neih dan ropuizia a tichiang hle a ni," a ti.
Pu Tawnluia Sr Vice President chuan Thenzawla Vantawng Group YMA Hall-ah Remna Ni hi hmanpuiin,ramin zalenna a sual lai support-tu leh Zoram mipuite remna a awm theih nana theihtawpa ke pentute hnenah lawmthu sawiin chibai a buk a, "Vawiinah hian kan Hnam Pa Pu Laldenga kan hre reng a, Zoram zalenna atana sulsutu, chutiang bawka Remna atana thawhhlawk ber ni bawk Pu Laldenga hian vawiin niah hian chawimawi a phu takzet a ni. India sorkar khan 'Peace without Laldenga' tia a tel lova remna siam a tum a nih kha. Mahse Pu Laldenga tel lovin remna a awm thei lova, lung inah te han khung mahse a tel lovin remna a siam theih loh tih India sorkarin a hria a; Pu Laldenga tel lovin remna a awm thei lova, remna thuthlung chhertu leh pawimawh ber chu Pu Laldenga a ni.A tel lovin a kim lo. Kan Remna hian Mizo mipui zawng zawng min huap vek a, India ram pawh a huap vek. Chu chu India Constitution Article 371G hian a tichiang a ni. Mi thenkhatten Inremna sign avang khan 'Pu Laldenga kha a tlawm' an ti ṭhin a; a tlawm a ni lova, Zoram mipuite duh dana Remna a awm theih nan India sorkarin 'self security' a pe zawk a ni. Chutiang chuan a tawpah Pu Laldenga hoa Remna hi lo awm thei ta a ni," a ti.
MNF Vice President Pu R.Tlanghmingthanga pawhin Saitual Auditorium-a MZP Hqrs.Saitual-ten an hmanna hun chu a hmanpui a. Pu R.Tlanghmingthanga chuan thusawiin, "Vawiin hi India sorkar leh Mizoram inremna Ni vawi 32-na a ni a, kumtin MNF chuan party angin kan hmang thin a, MZP-ten hetianga a lawmna hun kutken tura an buatsaih ta hi lawmawm kan ti a, kan pawmpui a, kan hotu leh party-in a remchanna hmun apiangah kan hmanpui a ni. Kan inremloh em avang khan inremna ni hi lawm thei kan ni a, Remna Ni hi inremlote tan remna ni lo ni mawlh rawh se. MNF-in zalenna a sual chhan kha hnam dangte awpbeha awm reng turin Mizote hi Pathianin min din lova, mahni kea ding chhuak tura kan beih hi a duh dan pawh a ni. Mizote hi kan tlem si a, anni an tam si a, an duh dan dana min hnuaichhiah reng kha kan duh bik lo a, Mizote hnam anga kan din chhuah vena turin kan hnampa Pu Laldenga ho khan kum 20 chhung zalenna sualin hnam sipaite an ram mu ta a ni. Pathian leh kan ram tan tiin kan hnam zalenna turin hnam sipaite an thi a, kan hnam tana remna an sual chhuah hi thangtharte hian inpekna nasa tak nen zuiin, kan silai mu kawl bullet ni tawh lovin, ballot paper hmangin i chhunzawm ang u," a ti.
MNF Treasurer Pu Vanlalzawma pawhin Lungleia Art & Culture Archive Hall-ah Remna Ni hi hmanpuiin remna ni hmang tura hmalatu MZP-te hnenah lawmthu a sawi a, "Remna Ni hmangtu tur ber chu Mizo mipuite hi kan ni a, Mizo nula leh tlangval, ram leh hnam tana kal chhuakte kha Remna kan neihna tura pen chhuak mai an ni lova, Mizoram leh hnamin zalenna tluantling kan neih theihna tura pen chhuak an ni. March ni 1,1966-a Independent puan a nih kha vawiina Remna Ni kan hman mek thlenna tur a ni lo. Mizo Hnam Pasalṭhate khan ramhnuaia la awma zalenna sual chhunzawm zel kha an la peih a, Mizo mipuite zawk dinhmun ngaihtuahna avang chauh zawkin an silaite kha an tung ta a ni zawk. Kan hnam pasalṭhate khan silai an tun rualin an rilru leh thinlung an tung tel lova, ram tana thih ngamna thinlung hi tun thleng hian an la paihbo reng reng lo. Peace accord-a ziahlan tam tak zingah MNF chuan a tih tur ang angte a ti a. India sorkar zawk hian a tih tur tih loh a la ngah em em zawk a, chu chu hrechiang lovin MNF Party hi kan dem lek lek ṭhin. India sorkar hi a tih tur la tih lohte tihlawhtling tura chak lehzuala nawr a ṭul a ni," a ti.
MNF President Pu Zoramthanga chuan PUC Campus-ah a hmanpui a, Pu Zorama chuan, "He remna kum 32 lai lo awmah hian, he remna atana tuartute thawhrah chu Pathianin a chhang a, khawvela remna hlawhtling ber leh duhawm ber a lo ni hi a lawmawm hle a ni. He remna hi Zofate tan a pawimawh em em a, he remna avang hian State Sorkar kan lo ni a, remna hi tu siam bik mah ni lovin Mizoram mipui zawng zawng lungrualna leh thawh honate avanga remna hi thleng a ni. He remnaah hian Mizoram neitu nihna leh a khawih chetna chungchang chu Mizo mipuite kutah a awm, Zofate kan inhumhimna atana pawimawh hrang hrangte pawh Pu Laldenga ṭan tlatna a nih avanga remna thuthlunga dah telte an ni. Remna thuthlung hi a nghet a, a tlo a. Remna thuthlung hi Mizoten kan remtihna tel lova India Parliament-in a siam danglam theih a ni lo. A sign-tute thu lo chuan engmah tih danglam theih a ni lo. Kum 2010 khan Burma Under ground zawng zawng aiawhin, ram hran hrana remna leh muanna duh veten kan Rama muanna ang hi an duh ve a, hetiang remna nei ve tur hian Palai hna thawk tura sawm ka ni a, hei hian Zoramin remna leh muanna kan neih dan ropuizia a tichiang hle a ni," a ti.
Pu Tawnluia Sr Vice President chuan Thenzawla Vantawng Group YMA Hall-ah Remna Ni hi hmanpuiin,ramin zalenna a sual lai support-tu leh Zoram mipuite remna a awm theih nana theihtawpa ke pentute hnenah lawmthu sawiin chibai a buk a, "Vawiinah hian kan Hnam Pa Pu Laldenga kan hre reng a, Zoram zalenna atana sulsutu, chutiang bawka Remna atana thawhhlawk ber ni bawk Pu Laldenga hian vawiin niah hian chawimawi a phu takzet a ni. India sorkar khan 'Peace without Laldenga' tia a tel lova remna siam a tum a nih kha. Mahse Pu Laldenga tel lovin remna a awm thei lova, lung inah te han khung mahse a tel lovin remna a siam theih loh tih India sorkarin a hria a; Pu Laldenga tel lovin remna a awm thei lova, remna thuthlung chhertu leh pawimawh ber chu Pu Laldenga a ni.A tel lovin a kim lo. Kan Remna hian Mizo mipui zawng zawng min huap vek a, India ram pawh a huap vek. Chu chu India Constitution Article 371G hian a tichiang a ni. Mi thenkhatten Inremna sign avang khan 'Pu Laldenga kha a tlawm' an ti ṭhin a; a tlawm a ni lova, Zoram mipuite duh dana Remna a awm theih nan India sorkarin 'self security' a pe zawk a ni. Chutiang chuan a tawpah Pu Laldenga hoa Remna hi lo awm thei ta a ni," a ti.
MNF Vice President Pu R.Tlanghmingthanga pawhin Saitual Auditorium-a MZP Hqrs.Saitual-ten an hmanna hun chu a hmanpui a. Pu R.Tlanghmingthanga chuan thusawiin, "Vawiin hi India sorkar leh Mizoram inremna Ni vawi 32-na a ni a, kumtin MNF chuan party angin kan hmang thin a, MZP-ten hetianga a lawmna hun kutken tura an buatsaih ta hi lawmawm kan ti a, kan pawmpui a, kan hotu leh party-in a remchanna hmun apiangah kan hmanpui a ni. Kan inremloh em avang khan inremna ni hi lawm thei kan ni a, Remna Ni hi inremlote tan remna ni lo ni mawlh rawh se. MNF-in zalenna a sual chhan kha hnam dangte awpbeha awm reng turin Mizote hi Pathianin min din lova, mahni kea ding chhuak tura kan beih hi a duh dan pawh a ni. Mizote hi kan tlem si a, anni an tam si a, an duh dan dana min hnuaichhiah reng kha kan duh bik lo a, Mizote hnam anga kan din chhuah vena turin kan hnampa Pu Laldenga ho khan kum 20 chhung zalenna sualin hnam sipaite an ram mu ta a ni. Pathian leh kan ram tan tiin kan hnam zalenna turin hnam sipaite an thi a, kan hnam tana remna an sual chhuah hi thangtharte hian inpekna nasa tak nen zuiin, kan silai mu kawl bullet ni tawh lovin, ballot paper hmangin i chhunzawm ang u," a ti.
MNF Treasurer Pu Vanlalzawma pawhin Lungleia Art & Culture Archive Hall-ah Remna Ni hi hmanpuiin remna ni hmang tura hmalatu MZP-te hnenah lawmthu a sawi a, "Remna Ni hmangtu tur ber chu Mizo mipuite hi kan ni a, Mizo nula leh tlangval, ram leh hnam tana kal chhuakte kha Remna kan neihna tura pen chhuak mai an ni lova, Mizoram leh hnamin zalenna tluantling kan neih theihna tura pen chhuak an ni. March ni 1,1966-a Independent puan a nih kha vawiina Remna Ni kan hman mek thlenna tur a ni lo. Mizo Hnam Pasalṭhate khan ramhnuaia la awma zalenna sual chhunzawm zel kha an la peih a, Mizo mipuite zawk dinhmun ngaihtuahna avang chauh zawkin an silaite kha an tung ta a ni zawk. Kan hnam pasalṭhate khan silai an tun rualin an rilru leh thinlung an tung tel lova, ram tana thih ngamna thinlung hi tun thleng hian an la paihbo reng reng lo. Peace accord-a ziahlan tam tak zingah MNF chuan a tih tur ang angte a ti a. India sorkar zawk hian a tih tur tih loh a la ngah em em zawk a, chu chu hrechiang lovin MNF Party hi kan dem lek lek ṭhin. India sorkar hi a tih tur la tih lohte tihlawhtling tura chak lehzuala nawr a ṭul a ni," a ti.
No comments:
Thanks for your comment.