PWD Minister Lal Thanzara'n Thingdawl a PWD National Highway Division-V a hawng.

Tleirawl.in | 04 July 2018 : Vawiin khan PWD Minister Pu Lal Thanzara chuan vawiin khan Thingdawl high school complex ah PWD National Highway Division-V a hawng.

Hawnna inkhawm ah hian Minister chuan thu sawiin NH Division Office thar hawn theiha a awm chu lawmawm a tih thu a tarlang a Thingdawl mipuite tan pawh kawng hrang hranga malsawmna thlentu a nih a beisei thu a sawi bawk. Thingdawl khaw vanneih thu sawiin an khaw chhungah Sawrkar in hmalakna hrang hrang a nei a, School of nursing , thingdawl bakah hmalakna hrang hrang a kal chho mek ani tiin thingdawl mipuite chu Sawrkar Department hrang hrangte tha taka thawhpuiin a tul na ah hawihhawm taka finchhuah zel turin a chah bawk a ni.

Minister chuan kan kawngpui te chu tha zawka enkawl a nih theihnan tun hnai ah PWD leh Central YMA chuan thawhhona thuthlung an ziak a ni tiin hei hian nasa takin hmasawnna a thlen ngei  a beisei thu a sawi a, kawng hi a enkawltu chu PWD ni mahse, kawngpui chu Sawrkar ta ani mai lova a chhawrtu leh a mamawhtu chu mipuite kan ni a, chu vangin kawngpui chu duat tak leh uluk taka enkawl chu mipuite mawhphurna a ni tel ve ani tiin mahni zawna tan lak theuh a pawimawh a ni a ti.

National Highway Division-V hi Lawngtlai a multi modal Division-2 ni thin kha a ni a, Lawngtlai Multi Modal project chu a tam zawk thawh zawh ani a, Kolasib PWD division chu Mizoram a PWD Division lian ber pawl leh hna ngah ber pawl an nih avangin Thingdawl ah sawn a ni a. Tun dinhmunah Mizoramah hian kawngpui km 7500 vel a awm a, PWD in km 6000 vel enkawl mekin, BRO in km 900 vel an enkawl a, mizoram ah National Highway km 1410.5 a awm mek a ni.

He hun hi Pu Lalram Thanga, IFS, Principal Secretary, PWD in a kaihruai a, Bialtu MLA Hmingdailoba Khiangte leh PWD E-in-C Er.R vanlaltluanga bakah PWD Engineer te leh Kolasib District Deputy Commissioner Dr.Arun T bakah Officer hrang hrangte leh Kolasib leh Thingdawl khawtlang hruaitute an kalkhawm a ni.