18th July, 2018: Nizan dar 8:30 vel khan Sairang Balu Kai chhak, tunhmaa marboat kai atana hman thin li-ah Sairang dawr veng tlangval Samuel Lalthlenglina kum 23 mi chu a tla a, ruang zawn mek a ni.
Thudawn danin nizan khan Samuela leh a thiante hi Tlawng kamah inchiah thlandaiin an awm a, Samuela hi li lai lamah hleuh pheiin a thiante chuan tiaupho atangin torch light in an lo en a, Samuela hian "Min rawn en suh u" tiin vaukam lam panin a rawn hleuh phei a. Vaukam lawng thlun pawh a khawih phak hial tawh niin an sawi. Min en su ti ta chu, ngaihthat lohna pawh nei hran lovin a thiante chu an titi zui mai a. Samuela chu a reh zui tak daih avangin an ngaih tha lo chuan an han au a, an hmu ta mai si lo. A tirah phei chuan tuiah a tla a nih an ring nghal mai lova, an awmna chhehvel vaukam te an han zawng ruai ruai a, an hmuh zawh tak loh avangin tuiah a chesual niin an ring ta a, khawtlang hruaitute an hrilh ta a ni.
Nizan la la khan tui tla ruang zawn hna hi thawh nghal a ni a, Tlawng lui hi tui a tam hle a, a khauh hle mai bawk a, zan khawthim hnuaiah ruang zawn a khirhkhan hle mai.
Chanchin buatsaih lai thleng hian ruang hmuh a la ni lo.
- Source - Mizo Special Report
No comments:
Thanks for your comment.