SEMINAR ON USE OF PESTICIDE LUNGLEI AH

tleirawl.in | july 12, 2018: Vawiin khan District Agriculture Office Lunglei buatsaihin rannung thahna hlo hman dan dik inzirtirna Seminar on Use of Pesticide chu YMA Sub Hqrs. Conference Hall Lungleiah neih a ni. He hun hi Pu Ngurrinsanga SDAO Lunglei in a kaihruai a, Lunglei DAO Pu C. Lalnithanga chuan thu sawiin rannung thahna hlo fimkhur zawka hman dan chung chang a sawi a. Dan hnuaia rannung thahna hlo khuahkhirh a nih dan leh a hman lohna tura hman pawi zia sawiin mizote chu hetiang hlo basa ngam chi kan ni tiin sangha, sava leh lui sa hrai nana hman thin chu mihring tana hlauhawm a nih dan te a sawi a ni. He hunah hian mithiam thlanbik Pu John Laltluangliana DPD ATMA leh Pu C Malsawmkima, SDAO Tlabung te pawhin Rannung thahna hlo hman dan dik leh mihring tana a hlauhawm dan bakah thlaiin a mamawh dan hrang hrang an sawi bawk a ni. Vawiin a rannung thahna hlo chung chang zirnaah hian YMA Sub Hqrs. Lunglei hruaitute leh Lunglei khawpui chhunga YMA Branch hrang hrang President leh Secretary te an tel a, an ni hian an mahni veng theuh a, a mamawhtute hnenah a tul angin zirtirna an pe chhawng dawn a ni. 
- DIPR