THAI NAUPANG 12 LEH COACH PUKA TANGTE LAKCHHUAH MEK AN NI

Thailand puka tang, Football team, naupang 12 leh an coach chu khaw awm dan enin tunah hian lakchhuah mek an ni. naktuk leh naktip lamah ruahsur mai thei dinhmuna a din vangin ruahman lawk aia hmain mipa naupang tangte hi lakchhuah an ni.

Tuilut thiam ten an lak chhuah dan.

Heng mi tangte hi kar hnih chuang an tang tawh a ni. Football team te hi mipa naupang, kum 11-16 inkar mi 12 niin a, an coach hi kum 25 mi a ni. June 25 khan football an practice zo, Thailand hmar lama Myanmar ramri bul ramhnuaia Tham Luang puk an fan laiin chin hriat lohin an awm a, a hnuah tuilian vangin puk chhungah hian an tangkhang tih hriat a ni ta a ni. 

Chiang Rai biala awm, Tham Luang puk hi fur laiin tuilianin nasa takin a chim ṭhin a, tuilian hi September/October thlaah te a kam chauh ṭhin a ni.

Chin hriat loha awmte hi hun rei tak zawn an nih hnuah Thawhṭanni zan rei tawh takah khan tuilut thiamte chuan puk chhunga lung, km 4 vela hla, tuiin a chim phak lohah an hmu a ni. Naupang hmu hmasatute hi British diver pahnih, John Volanthen leh Rick Stanton te an ni, puka tangkhangte chhanchhuah hna thawhna kawnga tawnhriat lo nei ṭha tawh takte an ni.

Mi 4 lakchhuah tawh an ni a. Mipa naupang 9 chu puk chhungah an la awm mek a ni. 

"Mi 4 lak chhuah an nih khan kan lo inzirna leh ruahman aia mini 10 a hmain lakchhuah an ni"  Chiang Rai (chiang rai hi hmun hming)  Governor Narongsak Osotthanakorn ( Narongsak Osotthanakorn governor chu a ni) chuan a sawi. 

Chiang Rai Governor ; Narongsak Osotthanakorn

• 
  

Ambulance a phurh an ni. 

• Thai Navy SEAL leh tanpuitute chuan mi 4 la chhuak tawhin, damdawiin hnai berah kalpui an ni tawh a. 

• Hun a duh rei dawn: Heng tangte hi pakhat te tea lakchhuah tur an nih vangin hun a duh rei a, an vaia lakchhuah nan chuan ni khat a awh mai thei niin local overnor chuan a sawi.

• Khawchin thlir hriat lawk dan a hlauhawm: Thai leh international rescuers te hi ruah nasa taka sur mai thei vanga hetia lakchhuah hna hi thawh tir chuk chuk an nih vangin an tan pawh hna hi a hahthlak bikin, ruah nasa taka sur mai thei awm hi, a sur thut chuan an tan leh lakchhuah turte tan hian a hlauhawm hle a ni. 

Chiang Rai Gov. Pu, Narongsak Osotthanakorn  press conference atanga kan hriat theih chin te :

• Hna a chak: "Chhanchhuah hna hi kan lo zir chhin dan aiin a chak zawk a,  10 minutes in chak zawk."
• Chhanchhuah takte hming: "Tun chinah chhanchhuah takte hi an hming hriat a la ni rih lo"
• An him e: "Mi palite chuan Prachanukroh Hospital ah Doctor hnen an thleng tawh e."
• Chhanchhuaktu team: "Divers 13 bakah Thai Navy panga an awm a. He hna thawk tur hian mi 90 an awm a, 50 hi ram dang mi an ni a, 40 erawh Thai an ni.

Zan dar 8:41, July 08, 2018 a ni a. Tunah hian Thailand a Tham Luang puk chhehvelah chuan ruah a sur tan mek a. Hei hian chhanchhuah hna a nghawng a hlauhawm hle niin Pichayada P chuan minut 13 liam taah khan a tweet. A ni hi  Channel News Asia (CNA)a Indochina correspondent a ni. 

8:55 Pm . 08 july 2018

Mi 9 la tangte chhanchhuah hna chu Oxygen tlakchham vangin tunah hian chawlhsan rih a nih thu leh inbuatsaih leh nan darkar 10 vel an mamawh tur thu mi 4 chhanchuah an nih hnuah Chiang Rai Governor leh he mission  chief ni bawk Narongsak Osotthanakorn  chuan press hmaah a sawi. 

Lakchhuah hna hi naktuk 09 July 2018 khian chhunzawm tum a ni.