THAI NAUPANG LEH COACH PUKA TANGTE LAKCHHUAH HNA CHHUNZAWM

Mipa naupang 4 lachhuak tawh, 9 la awmte chhanchhuah tum mek

09 July 2018 : Football team, mipa naupang, kum 11-16 inkar mi 12 leh an coach kum 25 mi, June 25 a football an practice zo, Thailand hmar lam Chiang Rai bial, Myanmar ramri bul ramhnuaia Tham Luang puk an fan laiin chin hriat lohin an awm a, a hnuah tuilian vangin puk chhungah hian an tangkhang tih hriat a ni. 
Heng tangte hi nimin khan Mi pali chu lakchhuah tawh niin, damdawiin ah enkawl mek an ni.

Oxygen tlakchham vangin nizan khan chawlhsan lailawk a ni a, inpuahchahna tha zawk nen vawiin hian chhanchhuah hna hi thawh chhunzawm leh a ni.

Sawi tawh angin tangte hi mi 13 niin, 12 hi Mipa naupang kum 11 leh 16 inkar vek an ni a. Mi 4 lachhuak tawhin, Puk chhungah mi 9  an la awm a ni.

Puk hi a khawkrawk em em a, chu mai bakah tui a tling a, a tling mai ni lovin a tam zawk hi liluh chunga pan ngaihna vek a ni. A kaw tawp atanga tehin tuna an awmna hi km 4 vel a ni a, Naupang pakhat la chhuak tur hian mi 2 emaw 3 zel an ngai a. An kal lam leh haw lam ringawt pawh darkar 10 vel thang a ngai a ni.
Chu mai chu ni lovin, a kar lakah hmun chep tak mai, inchi 15 vel chauh a kua a awm a, chutah chuan an Oxygen burte phelh phawtin, harsa taka luh/chhuah theih chauh a ni. 


Tun thleng hian Thai Media lam chuan lakchhuah tawhte hming hi a la tilang rih lova. He thil thleng hian khawvel a nghawng a, khawvel media house lian tak tak te pawh a hmunah an awm fur a ni.

An mahni zawnna leh chhan chhuahna tur a thawk zingah mi pakhat, Saman Kunan, 38, Navy SEAL a thawktu hlui chuan ni 5 July khan oxygen tlakchham vang hian a nunna a lo chan tawh a ni. 

• Operations tan  leh a ni : Divers te an hnaah an kir leh tawh Mi 9 la tang mekte chhanchhuak turin chirh leh hmun khawkrawk an pan mek.
• • Tanpui dan tlangpui: Nimin khan mi 4 lakchhuah tawh an ni a, KM 4 puk chhungah an lut.  
  • Thatlam an pan: Lakchhuah tawhte chu an hming official lamin an tichhuak chiah lo mahse, that lam an pan tawh nia thu dawn. 
  • VIP : Thailand Prime Minister Prayut Chan-o-cha thil thlen dan en turin a hmunah a thlen thuai beisei a ni.

  Hriat theih chinah:
• * Nimin lama mi 4 chhanchhuah an nih hnuin, vawiin tlai dar 7 thleng khan mi 4 chhanchhuah an ni leh ta tih Thai Navy SEAL chuan an tichiang tawh. 
• * Mi panga chu a chhungah an la awm a ni. 
• * 

- Post hi update reng a ni a, I lo refresh mai dawn nia.