UN hnuaia Expert Mechanism on the Rights of Indigenous Peoples, session vawi 11na 9 - 13 July 2018 a Palais des Nations, Geneva, Switzerland a neih mekah Pu C. Lalremruata, Director, Zo Indigenous Forum chu a tel.
Pu C Lalremruata hian vawiin 12 July 2018 khan thu sawiin, "Zofate chu India, Myanmar leh Bangladesh-ah te thendarh kan ni tiin, rorelna pakhat hnuaiah kan awm thuai a beisei thu", a sawi.
Hei bakah hian, October Ni, 8 2015-a Mizoram Legislative Assembly in UN Declaration thlawpna thu an pass chu sawi langin, India ramah Mizoram Assembly chu UNDRIP thlawptu awm chhun a ni, a ti a. Nimahsela India sorkar atanga bwhzuina awmlo erawh chu pawi a tih thu a sawi bawk.
Kum 2017 a India human rights chungchang zirchianna Universal Periodic Review (UPR) neih ah India in ram leilung fate chungchanga rawtna engmah a dawnglo chu thil pawi leh zahthlak tak a i tih sawiin India in ram leilung fate dikna leh chanvo humhalh tura hma a lak lohzia tilang tu a ni a ti.
Hei bakah hian Pu Remruata hian July ni 9 khan Side event-ah thu a sawi a, Susitainable Development Goal (SDG) India in a buatsaih mek-ah ram leilung fa (Indigenous peoples) te chu rawn leh telh ve an ni lo tih sawiin SDG chuan mi rethei ber thleng a thleng tur a ni a ti.
UN Special Rapporteur on the Rights of Indigenous Peoples Victoria Tauli Corpuz leh UN Permanent Forum Permanent on Indigenous Issues Ms. Mariam Wallet Aboubakrine te nen inkawmna hun an nei bawk.
No comments:
Thanks for your comment.