1935 Kuma New York Court-in zana a Thubuai ngaihtuah chu

1935, January thla khaw vawh laiin tlai khat chu, New york City court-ah thubuai ngaihtuah a ni a, pitar retheih hmel pu tak pakhat chu chhang ruk vangin a chungthu ngaihtuah a ni a, a hmel en chuan a lungngaih hmel hle a, a lungngai hmel hnuaiah chuan zahna hmel a lang bawk a.

Chumi zana Judge chu New York City Mayor Fiorello La Guardia a ni.

Judge: Chhangthawp  i ru ami?

Pitar : Zak takin a lu a kun hniam a, aw a dik alawm, pu zahawm, chhang chu ka ru ngei e.

Judge: Eng rilru puin nge i ruk, i ril a ṭam ami?

Pitar: (judge en chung chuan) Aw ka ril chu a ṭam a, mahse keima ei atana ru ka ni lo, ka makpa hian a nupui fanaute a chhuahsan a, ka fanu chu a damlo bawk si a, an fate pahnih chu an ril a ṭam em yem a, ni engemaw zat thil ei loin an awm tawh a ni. An la naupang si a, rilṭama an awm chu ka hmu theilo a ni.

(chu thu a sawi zawh chuan court chhung chu a reh ṭhuap a)

Judge: Mi zawng zawng hi Dan hmaah chuan kan intluktlang vek si a. Chhang i ruk avang chuan duhthlan tur pahnih i nei. Dollar 10 Chawi nge i duh ni 10 Jail a tan?

Pitar: Judge zahawm, he ka thil tih avang hian hremna tawrh chu ka inhuam e, mahse zah tak chung che in dollar 10 chu nei ila, chhang hi ka ru miah lo ang. Jail a tan chu ka inhuam mai e. Mahse ka thil ngaihtuah awmchhun chu, Jail ka tan hlanin tu in nge ka fanu damlo leh ka tu te pahnih chu lo enkawl ta ang tih hi a ni.

(Judge chu a ngawi vang vang a, a chair nghenchhan lam awnin an tawlh hnung hret a, tichuan, a ipte aṭang chuan dollar 10 chu a la chhuakin courta mipuite hmuh tur chuan an lek chhuak a.

Judge (ring takin), he pawisa note hian i hremna chu ka pe tla ang, tunah chuan i zalen tawh e, i kal thei ta a ti a.

(Mipui lam a hawi a) chu bakah a belh chhah nan, he court rooma awm zawng zawng te, 50 cent ka chawi tir vek che u, kan khawtlangah thil ruk ngai khawpa rethei an awm a, chu chu in hriat loh vang leh in ngaih thah vangin, chuti ni lo se he nu kum upa tawh  hian a a chhungte chawm nan chhang a ru lo tur, sheriff duty mi tin hnen aṭangin 50 cents ṭheuh khawn la, ka pi kha pe rawh.

(A chhang dawr neitute pawhin 50 cent chu an chawi ve ta a, an thawhkhawm dollar 47.50 chu pitarte chu an pe ta a, a tukah news ah an chhuah a, khawpui ah chuan chu chan chin chu a darh ta a.....

Khawvela chengte hi kan inzawm vek a, miten an tawrh chuan kan tuar tel ve zel a ni.

Ṭhatna hi mi bengchhet ten an hriat theih leh mitdel ten an hmuh theih ṭawng chu a ni - Mark Twain.

________________________________________________________