Hawnna inkhawm hi Civil Judge Cacy Malsawmtluangi Ralte leh F Lalthasangi ten an kaihruai a.
Krity Lohar leh K Zohmingawii ten kalkhawmte hmaah a hman dan tur entirna leh hrilfiahna hun an hmang a.
He huna thusawitu Khuallian, Pu Michael Zothankhuma chuan, "Mizoram Judiciary hmasawnna rahbi mellung pawimawh tak mai hawng thei a ka awm ve hi ka lawm," a ti a. E- court project hmangin paper less court nei turin hmun hrang hrangah hmalakna kalpui mek a nih thu sawiin, Paper less court hian environment humhalhna kawngah pawh paper hmang tura ramngaw tam tak tihchereu a tul tawh dawn loh vangin a pui hle dawn niin a sawi a.
He khawl hian langtlang taka court thu relte kalpui a ni thei dawn thu sawi pahin, Bar member leh Judiciary memberte chu technology lama court hmasawnna hi a hmang tangkaitu ni ngei turin a sawmin a chah bawk a ni.
Mizoram e-court Project hnuaia hmalaknain langtlang zawka Court kalpui a nih theih nana leh mipuite leh Ukilten awlsam zawka Court a thubuai ngaihtuah tawh leh thubuai kal lai mek thlen chin an hriat theina a tan Kiosks leh Individual Court Public Information Display System hi duan a ni.
He khawl hmang hianmipuiten awlsam zawkin District Court, Aizawl hnuaia Judge awm zawng zawng te court a thubuai ngaihtuah te, a thlen chin. Ukil dingte leh thubuai ngaihtuah leh a hun turte an en thei dawn a ni. Kiosks khawl hi Court building first floor ah hun a ni ang a, mahni thubuai chinchang en duh te hmehchhuah a en zung zung theih a ni tawh dawn a ni.
Individual Court Public Information Display System hi Mizoram tan bika siam niin hmun dangah hman a la ni lova, Court tin-ah pawh monitor dah a ni ang a. Court chhunga thil thleng pawh he khawl atang hian lut kher lovin a lo en theih nghal zel dawn a. Court kal dan tur, thu ngaihtuah tur duan lawkte pawh a en theih dawn a ni.
Mizoram e-court project atan hian 2016-17 leh 2017-18 chhunga hman turin cheng Vaibelchhe ruk ruahman a ni a. Dedktop computer leh UPS 400 leh Kiosks khawl hi pariat leiin, Video conference tihna tur khawl leh tul danbgte lei tawh a ni a, District tina hman turin LAN thlunzawm tawh bawk a ni.
Kiosks leh Video Conference khawl hian a la daih loh vangin lei belh tura hma lak mek a ni a. Zi zung chakna hmang tangkai tura hmalakna atan Cheng vaibelchhe 1.2 ruahman ani bawk a. Hei bakahah hian 14th finance commission hnuaiah Digitalization fo Court kalpuinana Cheng vaibelchhe 2 project ruahman a ni a, Case zawng zawng digitalised tura hma lakna kalpui mek a ni.
Heng hmalakna hrang hrang
hmang hian Mizoram Judiciary chuan rahbi pawimawh tak tak a rap chho zel a.
Information and Communication Technolofy hmangin langtlang rorelna leh dawr awlsam
zawka rorelna in a awm theihna'n hma lak zel a ni.
No comments:
Thanks for your comment.