KHAWVELA HMUN ANCHHEDAWNG NIA AN SAWI TE

KHAWVELA HMUN ANCHHEDAWNG NIA AN SAWI TE

SPECIAL POST

★Opeey-a Khiangte
_______________________________________

Khawvela hmun lar leh hmingthang, tourist-te tlawh nasat em em leh, tourist hip em em thintu zinga thenkhat chuan huai neiin an sawi a leh, anchhiain a tuam tlat niin an sawi bawk.

Thil tak tak a ni em tih erawh ka hre bik lo thung. mahse, hriat ve mai mai atan i chhiar ve leh chhin reng reng teh ang u aw..!! An thlalak ne'n ka rawn dah tel  bawk e..

★10) Koh Hingham, Thailand - Koh Hingham thliarkar te tak te a beach awmte saw an mawi hlawm hle a. Lung mam tha pui pui leh dum hlarh maite chu a timawi zualtu an ni lehzel bawk.  Mahse, tumah an cheng tlat lo.

Koh Hingham thliarkara thil awm reng reng, eng thil pawh nise, hawn a fuh vak lo thin hle niin an sawi. 

Thawnthua a lan danin, Koh Hingham thliarkara beach leh lung (stone)-te saw hman lai anchhia (ancient curse) an tihin a veng tlat a. Chu anchhia lawhtu chu Tarutao pathian a ni.

Chulaia Lung awm hawn apiangin anchhe lawhtu pathian a zah lo tihna anga ngaih a ni a. 

A damchhungin hmuingil lohna leh vanduainain a zui tawh dawn niin an sawi. Thil mak tak mai chu, Tourist thenkhat chuan an awih loh thin hle a.

Lung mam tha tak tak an hawnlui thin a, mahse, a hnuah, lung an hawnte chu an thawnlet leh zel thin. Thailand’s national parks departments pawhin, kumtin mai hian, bawma Lung (gemstone ang tak) tuam chu an rawn thawnlet ziah thin niin a sawi.

★9) Ye Olde Cross Pub’s Dirty Bottles, England - England rama London khawpui aimaha mite tlawh duh chu Alnwick Castle a ni ve tlat. castle atanga hla lo teah chuan, little pub (Ye Olde Cross Inn) an tih mai thin hi a awm a. 

Chu In hma lama Tukverh chu Anchhedawng bottle laka a him nan venhim tlat a ni. He pub hi 17th century vela mi kha a ni a, tunah erawh hming dang: The Dirty Bottles tih phuah a ni tawh thung. 

Pub hma lama Tukverh pahnih inkarah chuan, Bottles bal leh hlui tawh tak chu nghet taka dah a ni a. Mahse, Bottles chu history neitu ber a ni miau si a. Tourist dilchhut deuhhovina an laksawn mai theih loh turin nghet taka dah a ni. 

Thawnthuah chuan, Khualbuk pub (Inn) nghaktu khan bottle-te kha Tukverhah a khai a. chu chu a khualbuk zawna kal apiangte'n Beverage lei tur a nei tih an hriatthiam theih nana a tih a ni. mahse, lungphu chawlin a thi ta a. 

A nupuiin, a pasalina bottle a khai lasawntu apiang chu, a pasal thih anga thi ve turin bottle chu anchhia a lawh ta a ni.

★8) Pele’s Curse, Hawaii - Kumtin hian, Tourist maktaduai 8 tehmeuhvin Hawaii island hi an lo tlawh tawh thin a. 

Thliarkar mawi em em mai leh khawvel huap pawha hmun hmingthang tak a ni miau atin ni! mahse, Hawaii island-ah hian thil tha lo zet mai a awm a ang hle a, va tlawhtu thenkhatte'n vanduaina an hawn tel thin tlat a ni. 

Tlawhtu tam tak chuan, hriatrengna atan Lava Rock an tih mai chu, Hawaii island atang chuan an hawn thin a ni. Tin, pathiannu Pele tia an sawiin, Thliarkar chu a enkawl tlat niin an sawi a. guidebooks velah tlawhtute tana hriattur tul, tih tur leh tih loh turte pawh ziahlan sa vek a ni bawk. 

Chuvangin, Hawaii Thliarkara thil awm, Pele’s natural treasures hawntu reng reng chuan vanduaina an tawk zel thin a ni. Tourist-te'na Treasure an hawn ruk vanga an tluan loh phahna an thawnkir chu, Hawaiian post office pawhin, regular takin a dawng thin niin an sawi. 

chutiang treasure kan tihte chuan, stones, rocks, hmawlh leh shells te pawh a huam vek mai a ni. mi thenkhat phei chuan, anmahnia tluan lohna awm chanchin kimchangte an ziaktel nual zel bawk a ni. 

Chung tluan lohnaahte chuan, damlohna leh thihna hial pawh a tel bawk thin niin a lang. 

★7) The Bad Luck Blarney Stone, Ireland- 

Blarney Stone hi chuan vanneihna leh vanduaina a kengtel thei ve ve a. Thawnthu thenkhata a lan danin, Saint Columba-a a thih laia a lukham kha niin an sawi. 

Tin, Crusades hun laia mi kha nia sawi a awm bawk a. thenkhat chuan, Mosian Tui a vuakchhuahna Lung kha niin an ngai leh bawk. Blarney Stone fawh (kiss) hian, Tawngkam thiam tak a nih theihte an lo ti tawh thin a. 

Mahse, Castle atanga Lung dang lak erawh thu hran daih a ni thung. Ireland ramah na na na chuan, Blarney Castle hian chanchin a ngah hle a. 

Blarney Lung them hawn chuan vanduaina an hmachhawn a ni ngawt zel a, Ireland an chhuahsan hnuin, thil mak tak tak an chungah a thleng thin niin a lang. Kum 2009 khan, Blarney Castle chuan, fimkhur thu hlaah, a website-ah, Blarney stone a lak vanga Vanduainain a tuam,  Canadian mi pakhat chanchin a posted tawh nghe nghe a. 

Ani chuan, Blarney stone them a lak chu, a hmun ngaia dah leh turin castle staff-te a va ngen hial a ni. Kum 2011-ah pawh, American nu pakhat pawhin, Blarney Castle stone them la reng reng chuan, vanduaina an hmachhawn zel thin tih a hrechhuak ve leh bawk a ni.

★6) Lokrum, Dubrovnik - He hmun Lokrum hi sakhaw miho chenna (religious settlements) a ni a. Lokrum Island chanchin upa ber nia record chu kum 1023 kha a ni. 

Thawnthua a lan danin,

he thliarkar awntute zinga pakhat chu, 

Richard the Lionheart an tih kha a ni.

Crusades indona zawha England lama a haw lam chu, a lawng a bo thelh a.

Tanpuina dilin, amah leh a lawng sipaite an him chuan, Biak In dinsak a intiam a. Tichuan, tanpuina pek intiamna nen chuan Dubrovnik city hnenah pawisa a pe ta a ni. 

kum 1667 a lo inherchhuak a, sakhaw lama rilru nghehna pawh a lo dal ta deuh deuh a. Chubakah, Lirnghingin khawpui chu a sawi chiam a. Dubrovnik mipuite chuan, khawpui siamthat leh nan, an chenna Thliarkar chu hralh an duh ta hial a. 

Chuti a nih takah chuan, chu thliarkara Puithiamho chenna zawng zawng chu laksak vek a ni dawn ta tihna a ni. Beilet ve eltiang mah se, thliarkar atang chuan hnawhchhuah an ni ta tho a ni. 

Mahse, an rilru a na hle a, thliarkar an chhuahsan hmain, an inhmukhawm a. Meichher a letling zawnga kengin, thliarkar chu vawi thum an helchhuak a. Mahni mimal hamthatna atana thliarkar hmangtu apiangin anchhia dawng turin, thliarkar chu anchhia an lawh ta a ni. 

Thliarkar hi mi dang dang hnenah hralhchhawn a ni nual tawh a. A leitu tam takin chhiatna leh accident an tawk ta hlawm thin reng a, an thih phah thin bawk a ni. 

★5) The Ayer’s Rock Curse, Australia - He hmun hi Tourists-te chuan Ayer’s Rock tiin an sawi a. A chhehvela tun hma atanga lo cheng tawhte erawh chuan Uluru an ti thung.

He hmun ka ti tak naa, tlang anga hmun pawng ut mai a ni a, a nihna takah chuan monoliths zawk a ni a, khawvel Monolith lian tak tak zingah pawh a langsar pawl tak a ni.

Chuvangin, tourist-hovin a hmun lungthem an hawn thin a. Mahse, hriatrengna atana an lung hawnte chuan vanduaina a thlen tlat zel a. Vanduaina leh tluan lohna an amahnia awmin a chhuahsan leh theih nan, lungthemte chu an thawnlet leh tlangpui thin.

Bad luck zingah chuan, Nupa/inngaizawngte inkara inthenna leh Natna leh damlohna te a ni.

★4) Langkawi Island, Malaysia -Langkawi Island sawn beach mawi tak a nei a. tourist hip thin em emtu a ni. mahse, anchhia a awm tlat niin an sawi thin. saw khaw nula pakhat, Mahsuri chu, kum 1819-a an tihhlum atanga khan anchhia chu a intan a ni. 

A thil tihsual nia sawi chu a Uire a ni. Mahse, thuthangah chuan, an khaw Lalin a ngaizawng a, a duh tak loh vangin, Lal chuan a that ta niin an sawi. 

A thih hmaa he Thliarkar anchhia a lawh vang pawh a ni ang, Thliarkarah chuan muanna leh hmuingilna a awm thei ta reng reng lo mai a. 

Thliarkara chengte chuan thihna hrang hrang an tawk a, hmun dang atangin an run thin bawk a, hun thim tak an lo hmachhawn reng tawh thin a ni. 

Mahse, kum 1980-ah, PM chuan, Langkawi thliarkar chu tourist destination spot-ah a puang ta daih mai a. Zawi zawiin, hotels leh resorts-te sak a ni. 

★3) The Fairy Forts And The Curse Of Tara, Ireland - Ireland ram pawh hi a mawi dangdai hle a, tourist-te a hip hle nghe nghe a ni. kum 1950 chho atang khan, fairies—the pooka an tih thin hnenah, thilhlan atan Zu (glass of liquor) an hlan thin a. 

Vanduaina laka an him theih nana ti thin an ni. Ireland ramah khuan Kulh hlui sangtel tehmeuh a awm a. chungho chu fairy forts hlui niin an ngai a. an tihin an hlau hle thin a. fairy tihthinur an hlau a ni ber. 

Tin, fort tlawhtute'n fairy sual tak takte huat zawng an khawih palh thei a. chu chu tun thlenga an la hlauh ber a ni. fairy-ho chuan naupang an rubo thin a, buh leh balah chhiatna an thlen a, ran an tikhawlo zo bawk thin a ni. 

Mihring leh ramsate chu anchhia an lawh thin bawk a. vanduaina leh thihna thlenga thlentu an ni. 

★2) Chief Niwot’s Curse, Colorado - Colorado-a Boulder velah sawn Chief Niwot anchhia a awm a. mahse, saw hmunah saw chuan, hmun anchhedawng dangte anglovin bad luck lam thil a awm thu erawh hriat a ni lutuk lem lo va, curse of love lam zawk a ni. 

19th century laihawl vel khan, Chief Niwot leh a thuihhruaite chuan Boulder Valley-ah hna an thawk kumtluan thin a. Mahse, chulai hnaivaia khawsa veho, white settlers dangte leh native tribes-te nen innghirnghona a chhuak a. 

chutianga inngeih lohna awm avang chuan, Chief Niwot chu a lungawi lo hle a. chu hmun chu anchhia a lawh ta a ni. chulaia kal tawhte chuan Boulder Valley chhuahsan an hreh tawh hle thin a, thil tha lo leh buainain a zui duh hle niin an sawi. 

★1) The Cecil Hotel, Los Angeles - Cecil Hotel lar tak vak chhan chu, Hotel chunga Tuizemah kum 21-a upa Elisa Lam-i ruang chhar a nih vang kha a ni. Kar hnih vel a lo awm tawh niin a lang. 

chubakah, a thih hma deuhva CCTV-a a lanna video danglam tak takte pawh internet-ah dah a ni a. chu chu kum 2013 khan a ni a, Cecil Hotel anchhia-ina a tlakbuak hnuhnun ber a lo ni ta a ni. kum 1950 atanga 1960 chho vel khan, Cecil Hotel-ah mahni intihhlumna a thleng ngun viau mai a. 

Hotel chung sang atangin an zuangthla mai thin a. intihhlum nan an pan thin ni berin a rinawm. Tualthah ching zet mai, “Night Stalker" tia an sawi thin, Richard Ramirez pawh kha, he Hotel-ah hian a khawsa thin a. 

kum 1985 khan, Ramirez chu top room-ah a thleng thin a, a mithahte silhfen thisen kai hnephnup paihbo zel nan, Hotel hnung lama bawlhhlawh chhekkhawlna hmun pawh kha a remchang nghal hle a ni. 

kum 1991-ah, LA-a journalist thubuai nei mek chu Cecil-ah a thleng ve leh a. Ani pawh chuan hmeichhe pathum lai a lo that bawk a ni. pa pakhat, “Pigeon Goldie” tia an sawi thin, Parva ngaina tak pawh, Hotel room-ah chuan rawng taka thah a lo ni tawh bawk. 

kum 2007-ah, Hotel neitu thar chuan, Hotel-a tualthihna thleng thin tihtlem nan, Hotel hmingte thlakin a cheihnum vel a. Mahse, engemaw a thlen leh hlauvin Los Angeles police-te'n an la thlithlai nasa hle tho. 

Chuvangin, Cecil Hotel chu mikhual tan a him lo va, thlen vak chi pawh a ni ta lo hial awm e.(Opeey-a Khiangte)

★★★★