PG Course PUC-ah

Vawiin khan Mizoram University constituent college Pachhunga University College ah  subject 3 (Mizo, Philosophy leh Life Sciences) ah Post Graduate course chu MZU, Pro Vice Chancellor Prof. R.P. Vadher an a hawng.

PUC Seminar Hall-a a hawnna inkhawm buatsaih hi PUC , Principal, Dr Tawnenga'n kaihruaiin PG Department hawnna tura hmalak a nih dante sawiin Pu R. Vanlalvena MLA leh Aizawl City Joint Students Union (2015) ten nasa taka hma an lakpui thu a sawi a, tuna MZU VC ni mek Prof. KRS Sambasiva Raoa’n nasa taka hma la a, a bawhzuina avanga tun dinhmun thleng thei a nih thu a sawi bawk.   Prof. R.P. Vadhera chuan  “Mizo zirlaite chu chhawr tlak thiamna nei turin zirna sang zawkah tan lak nasat ala ngai hle tiin, PUC chu zirna sang lehzual (PG) level a sul su tu a ni leh tur chu lawmawm a tih thu a sawi a ni.

 Pachhunga University College ah hian Degree course zir theihna Department 22 awmin UGC Skill Development Vocational Course (Mushroom) kalpui mek a ni a. Tunhnaiah UGC in Skill Development Vocational course 3 (House Keeping, Mizo Handicraft & Technology Education leh Repair and Maintenance of Power Supply, Inverter & UPS) hawn belh a remti bawk a ni.