MZP TE AN DUTY TAN

Vairengte | August 17, 2018: Vairengte check gate atangin tun thla August 1-15, 2018 chhung khan temporary ILP mi 3596 an awm a, hei hi nikhat ah ILP hi hnamdang hnenah 239 pek chhuah ang a ni a. MZP in a zirchian danah chuan Assam NRC avangin Mizoram ah hnamdang lo lut an pung phah nasa niin a hria a ni.

MZP General Headquarters thuchhuak angin vawiin August 17, 2018 atang khan Vairengte check gate ah MZP Sub Headquarters Vairengte hruaitute leh member te chu an duty tan ta.

Assam atanga lo lut Assam NRC a chuang lo te chu temporary ILP pekchhuah rem tih a ni lo a, thawn let nghal zel an ni a.
"A tul angin MZP General Headquarters, Headquarters leh Sub Headquarters hrang hrang hruaitute pawh duty tur hian in ruahman zel a ni a. Kan ram leh hnam him nan chuan MZP chuan ke a pen zel dawn a ni. Kan ram leh hnam him nan chuan Zoram mipuite i tangrual zel ang u." tiin post ah chuan kan hmu.