Aizawl | August 17, 2018: Vawiin (17.8.2018) khan Pachhunga University College ah All India Writers Meet chu hawn a ni a, India rama writers lar tr an fuankhawm kim hle.
He writers meet hi Sahitya Akademi (National Academy of Letters) New Delhi leh Pachhunga University College Mizo Department tangkawpin an buatsaih a ni a. Hawnna inkhawm hi Sahitya Akademi Secretary K.Sreenivasarao chuan a kaihruai a. Pu Darchuailova Renthlei, Sahitya Gereral Council Member te, Prof. Laltluangliana Khiangte, Head, Department of Mizo, Mizoram University te, Dr. Tawnenga, Principal, Pachhunga University College ten thu an sawi a. Odia writer lar Haraprasd Das chuan he meet hi a hawng a ni.
All India Writers Meet hi Mizoramin a thlen vawikhatna a ni a. India ram hmun hrang hrang atangin writer 40 vel an kalkhawm a. Bengali, Kannada, Mizo, Odia, Gujarati, Konkani, Malayalam, Hindi, Assamese, English, Manipuri, Nepali, Pubjabi, Tamil writer te an tel a ni.
He meet hi naktuk dar 10:30 hian Pachhunga University College Seminar Hall ah chhunzawm leh a ni ang.
No comments:
Thanks for your comment.