TUIKUK TRANSIT CAMP PARUK (6) A E-ROLL REVISION TI TUR OFFICIAL TE HAW TIR

Zawlnuam | August 10, 2018: Vawiin ni August 10, 2018 (zirtawpni) khan Mamit DC office atanga tirh SDO (C)  Pu Lalhmachhuana Kawrthah ho a Tuikuk Transit Camp hrang hrang paruk (6) a Electoral roll revision & Tuikuk Pre-identification nei tura kal te chu Zawlnuam khua ah MZP Headquarters Zawlnuam, Langkaih group YMA leh Taitesena group YMA te chuan lo tiding in Zawlnuam BDO Office ah meeting neih puiin NGO ten Tuikuk E-roll revision neih an rem tih loh thute sawipui an ni a. Kal tlang luih an tum chuan dan an tum thute an lo hrilh a ni. Hun reitak chhung sawiho a nih hnuin sorkar Official te hi Mamit lama an kir leh ta a ni.

Langkaih group YMA, Taitesena group YMA leh MZP Headquarters Zawlnuam te chuan NGO Coordination committee duh dan angin Tuikuk tana Electoral roll revision hi state pawnah neih ni tawh lo se kan duh a. Tuikuk Electoral roll revision nei tura kal tum Sorkar Official te chu duty in siam a lo dan zel kan tum a ni. 

Tuikuk Transit Camp hrang hrang ah hian ni 6 August 2018 khan roll revision tihna tur form 6, 7 leh 8 te chu a rukin lo pek a ni tawh a, Tuikuk hruaitu ten form hi an lo sem darh hman vek tawh nghe nghe a ni. Tuikuk Transit Camp ah Electoral roll revision tih hi kan remti ngai dawn lo a tihluih tum an awm chuan atul angin hma kan la zel dawn a, Electoral roll revision tilui lo turin thu neitute kan ngen nghal bawk a ni.

Issued by:
Langkaih group YMA, Taitesena group YMA & MZP Headquarters Zawlnuam.