Aizawl | September 12, 2018: Mizoram inthlan awm tur atana inbuatsaihna kal mek zelah
vawiin khan Administrative Training Institute (ATI), New Secretariat Complex,
Aizawl-ah Mizoram district 8 atangin District Election Officers zawng zawngte
tan training pawimawh tak nei a ni a. Election Commission of India-in a bik
taka training pe tura a rawn tirh Tripura CEO Pu Sriram Taranikanti, IAS leh
Nagaland CEO Pu Abhijit Sinha, IAS ten DEO-te hi election kaihhnawih thil
pawimawh hrang hrang an hrilhfiah a ni.
Mizoram CEO Pu SB Shashank, IAS chuan DEOs Training hawnna
inkhawm a kaihruai a. ECI aiawha lo kal Tripura CEO Pu Sriram Taranikanti leh
Nagaland CEO Pu Abhijit Sinha ten thu sawiin kumdang zawng zawngah pawh
Mizoramah inthlan felfai tak awm thin chu a entawntlak hlea an hriat thu an sawi
a. Tunah pawh hian Mizoram inthlan tur atana inbuatsaihna kal mek chu a
felfaiin a lungawithlak hlea an hriat thu an sawi bawk. Tripura CEO Pu Sriram
Taranikanti chuan Mizoten kuthnathawk hi thil zahthlakah an ngai lo ringawt
pawh hi rampumin an entawn a tling a ni a ti nghe nghe. Nagaland CEO Pu Abhijit
Sinha chuan ECI-in anmahni an rawn tirhna chhan chu hmarchhak state ten
harsatna an tawh thinte a inang tlangpui avangin Mizoramah pawh inthlan awm
turah harsatna an tawhte hrethiam turah ECI-in a ngaiin anni CEO pahnih hi a
rawn tir ta a ni, a ti a. Inthlan ni (election date) tur pawh puan har a nih
tawh vak lo a rin thu leh election an hmachhawn hunah pawh DEO leh elction
kaihhnawih officers leh staff-te chu zam mai lova harsatna eng pawh tawk mahse
ngaihtuahna fim tak hmanga ECI Guidelines-in tih tur a ruat angin felfai leh
uluk taka district tinah inthlanna tluang tak an nei thei turin a duhsakna a
hlan bawk a ni.
District Election Officers ten heng chunchangah te hian
training an nei a ni : 1). District Election Management Plan &
Vulnerability Mapping, Model Code of Conduct, IT Application including SUVIDHA,
SUGAM & SAMADHAN, Election Expenditure Monitoring leh EVM & VVPAT-
Administrative Procedure & Technical Procedure, ETS, Mobile App. Vawiin
DEOs Training hawnna inkhawmah hian Mizoram, Tripura leh Nagaland CEO te bakah
Mizoram Addl CEO Pi Lalzarmawii, IAS a tel bawk a ni.
- DIPR
No comments:
Thanks for your comment.