The Blue Lagoon

★Opeey-a Khiangte

__________________________________________

The Blue Lagoon hi kum 1980-a American romantic adventure drama film a ni a.  director chu Randal Kleiser niin, he film hi Turtle Island Fiji-a an chan a ni. He film hi kum 1949-a 'The Blue Lagoon' tih film kha hria in awm em aw, kha film thawnthu ang khan a hming ngaia an siam nawn lehna a ni.

♣ A Thawnthu:

Victorian period lai tawh khan, naupang in cousin pahnih, Richard-a leh Emmeline Lestrange-i leh lawnga eisiamtu Paddy Button (Leo McKern)-a te chuanna lawng chu South Pacific tuipuiah a chesual a, mahse, lawng passengers tam tak zingah an pathum chauh chuan an damchhuak a, tropical island-ah lawnglengin an inkarkai ta a ni.

Paddy-a chuan naupang pahnihte chuan a enkawl a, an awmna thliarkar pang lehlama kal a khap tlat thung. a chhan chu, chulai hmunah chuan mihringa inthawina hnuhma a hmuh miau vang a ni. chubakah, thei chi khat scarlet berry pawh ei lo turin a hrilh bawk. thihna tur chak lutuk pai a ni tlat atin ni.

Chutia thliarkar atanga chhuah ngaihna hre lo leh, harsa taka an pathuma an khawsak naw naw lai chuan, naupang pahnihte enkawltu ber Paddy-a chu zu vangin a thi a.

Richard-a leh Emmeline-i chauh chu an awm ta. an va ngaihtuahawmin an va lainatawm tak em! chumi hnuin, an chenna hmun an sawn a, in thar an sa ta a. Kum a lo inher liam ve zel a, an lo thanglian a, an hmel lah a lo tha dun ta em em mai a. sangha man, tuichen leh tuikeplung zawn chu an hna leh hlim vena ber a ni mai thin.

Hun a lo inher liam zel a, mihring dang hmuh tur awm hek lo le. a tawpah, in cousin pahnihte chu an lo inngaizawng ta a ni. Emmeline-i chuan a thi neih vawi khatna chu a hlauvin a rap hle a.

Richard-a'n enpui a tum phei chuan a duh hauh lo. A changin lawng an chenna thliarkar hnaih taka lo kalte an hmu thin a. chutiang chang chuan, Richard-a'n lawngmite hmuha va inlan a, khawchhunga haw a duh thin em em laiin, Emmeline-i erawhin haw a duh ve vak ngai lo thung thin. chutia an duh dan a inan loh zel avangin lawng chuan a tlanpel leh zel thin.

Chuvangchuan, Richard-a thinrimin Emmeline-i chu an in atangin a hnawtchhuak a. Emmeline-i thi lek leka a awm hnuin, Richard-a'n a khawngaih ta hle a, an inrem leh ta a. an inhmangaihna vang chuan an mudun ta a. chuta chin chu nupa angin hun an hmangdun ta zel a. Emmeline-i pawh a lo rai a, rai awmzia an hriat loh miau avangin, Emmeline-i chu a lo thau ta em an ti a.

Naute lo che vel pawh a pum che vel emaw an la ti leh zel thin. zan khat chu, Emmeline-i chuan nau a hring ta thut a, a hmingah Paddy an phuah a.

Naute enkawl dan leh chawm dan lah an hre bawk si lo, an mangang viau mai a ni. mahse, engtin tin emaw chuan, a pawm laiin Emmeline-i hnute chu naute chuan a hne fuh ta hlauh a. chu chu thil nih dan tur a ni tih an hre ta a ni.

Hlim taka thliarkara cheng Richard-a leh a nupui fanaute infiam lai chu, Richard-a Arthur (William Daniels) chuan lawng atangin a lo hmu a. mahse, chirh an kai nasat em avangin, ralkhat atang chuan, hnammawl, thliarkara khawsa ve mai niah an ngai a. a kumtela an mizawn kha an ni tih reng hre lovin an kalsan leh ta zawk a ni.

Ni khat chu, lifeboat hmangin an awmna thliarkar chhuahsana kal an tum a. Richard-a'n Balhla ei tur zawngin Emmeline-i leh Paddy-a chu lawnglengah a awmtir a. 

Emmeline-i chu thliarkar vaukam velah a va hawikual a. mahse, an fapa Paddy-a'n thei chi khat, tur chak tak pai, scarlet berries tang (branch) lawngah a lo kenglut tih a hre hauh si lo.

Tichuan, a hnu deuhvah, Emmeline-i leh Paddy-a chu lawnglengah an va chuang ve leh a, zawi zawiin thliarkar chu an chhuahsan ta a ni. Lawngkarna tello va ni tam an thang hnuin, Richard-a leh Emmeline-i te muhil lai thangharh hlawl chuan, an fapa Paddy-a'n berries a ei lai chu an hmu a. poisonous berries a ni tih an hre si a, mahse, a lo lem hman tlat. an fapa a thi ngei dawn tih an hria a, Richard-a leh Emmeline-i pawh chuan an fapa an hmangaih em avangin, a tello va nun aichuan tiin berries chu an ei ve a. thih nghakin an muzaldun ta a ni.

Darkar tlem ral hnuin, Arthur-a Lawng tuipuia rawn tlan chuan Richard-a te lawngleng chu a rawn hmu a. Tichuan, Arthur-a'n, "An thi em ni?" tiin a zawt a. Lawng captain (Alan Hopgood) chuan, "Aih, sir. An muhil" tiin a chhang ta a ni.

♠ Cast:

1) Brooke Shields as Emmeline Lestrange

2) Christopher Atkins as Richard Lestrange

3) Leo McKern as Paddy Button

4) William Daniels as Arthur Lestrange

5) Elva Josephson as Young Emmeline

6) Glenn Kohan as Young Richard

7) Alan Hopgood as Captain

8) Gus Mercurio as Officer

9) Bradley Pryce as Little Paddy

10) Chad Timmermans as Infant Paddy.

He film an chan lai hian, a changtunu, a hun laia hmelthat vanga lar tak, Brooke Shields hi kum 14 chauh a la ni....

__________________________________________

__________________________________________

Return to the Blue Lagoon

__________________________________________

Return to the Blue Lagoon hi a chunga film kan sawi tak, 'The Blue Lagoon' film chhunzawmna a ni a, kum 1991-a American romance leh adventure film a ni a. starring; Milla Jovovich leh Brian Krause te an ni a, producer leh director chu William A. Graham a ni.

♥ A Thawnthu:

Kum 1897 khan, hmeithai Mrs. Sarah Hargrave-i leh naupang pahnihte lawng chuanna a chesual a. Thliarkarah an tang ta a ni. Lawnga thawktute'n tuihri an vei a, an chaurau a, lawng an enkawl that theih tawk loh vanga chesual ta an ni.

Ni tam lawnglenga an chuan hnuin, damkhawchhuak ve tho Sailor Kearney-a'n mipa naupang tap bengchheng lutuk chu thah mai a tum a, mahse, Sarah-i'n Kearney-a chu harpoon-in a vit a, a ruang chu tuiah a paihthla ta a ni.

Naupang pahnih leh Sarah-i chu lawngleng chuan an kal zel a. a tawpah,  tropical island mawi tak, South Pacific-a awmah an va innghat ta a. chu thliarkar chu an chenna a lo ni ta a ni. Sarah-i chuan enkawl fin tum viau mah se, a thihsan ta thut a. mahse, a thih hmain, Sarah-i khan Bible thu hmang leh ama fina leh hriatnain zirtirna a pe ve thin a.

Thliarkar lehlam side ah kallo turin a hrilh bawk. naupang pahnih Richard-a leh Lilli-i chu kum 8 mi vel lek an la ni a, anmahni enkawltu Sarah-i lah pneumonia natnain a boral bawk si, an hma hun a thim ta hle mai le! Naupang pahnih chuan theihtawp chhuahin damchhuah an tum ve tlat a.

kumtel a lo liam hnuin, Richard-a leh Lilli-i chu an lo thanglian a, rawlthar leh tleirawl duhawm tak an lo ni ta a ni. Luipuikam bulah in an nei a, chutah chuan an khawsa chawt mai a ni. sangha man leh tuihleuh chu an hna ber a ni a. mipa leh hmeichhia tih takah, a lo rei chuan, an lo inngaizawng chho tan a.

Zan khat chu, Richard-a chu kal phal lohna hmun lamah chuan a va kal a, hnammawlho thliarkar dang atanga lo kal a, an inthawi lai a va hmu a. an pathian chu Kon-Tiki-like idol a ni. an hmelmate an hneh zel theih nan thla bial apiangin an rawn inthawi thin a ni.

Tichuan, an hmuh a hlau hle a, Richard-a chuan chirhdiak a inchulh a, a biru a. chutih lai chuan, Lilli-i'n a ngaihtuah hle a, khawiah nge a awm ang aw tiin a lo mangang em em mai a ni.

Mahse, tuma'n Richard-a chu an tina hran lo a, hnammawl pakhat erawhin a hmu thung. mahse, him takin a haw thei ta tho a ni. Richard-a leh Lilli-i pawh an lo inhmangaih zual zel a. an pahnih chuan thutiamin ramhnuaiah an innei ta tawp mai a. tin, hmangaihna vawrtawp hmangin an mudun ta zel thin a ni. rei a rial hmain, lawngpui pakhat hi an chenna thliarkarah a lo kal a, sailor te chu sual tak an ni a.

Mahse, hre lovin Richard-a te nupa chuan an lo welcome hle a. mahse, lawng captain fanu Sylvia-i'n Richard-a a ngaizawng hle a, a thlem nasa thin hle bawk. mahse, a hmangaih Lilli-i chu a phatsan thei hauh si lo. Richard-a chuan thinrim takin Sylvia-i chu a kalsan a.

Chutih laiin, sailor pakhatin Lilli-i a lo star hle bawk a, inah a pawtlut a, pawngsual a tum ta a ni. chu mai bakah, tun hmaa Richard-a'n lilli-i a pek pearl kha a laksak bawk. chutia an buai vel lai chuan Richard-a a lo thleng a.

Sailor chuan Richard-a chu silai nena umchhuakin a kahthelh thuak thuak a. mahse,

Richard-a chuan sailor chu shark awmna lamah a inumtir a, shark-in sailor chu a sehhlum ta a ni.

Tichuan, Richard-a chuan Lilli-i hnenah a hmaa a thil tihsual zawng zawngah thupha a chawi a. Lilli-i chuan i duh chuan khang lawngmiho kha zui hawi mai ta che tiin a hrilh a. mahse, duh lovin a nupui rai mek Lilli-i nena an chenna thliarkara khawsak chhunzawm chu a thlang ta zawk a. Lawng pawh chuan a kalsan leh ta a ni.

♦ Cast

1) Milla Jovovich as Lilli Hargrave

2) Brian Krause as Paddy Lestrange / Richard Lestrange Jr

3) Lisa Pelikan as Mrs. Sarah Hargrave

4) Courtney Barilla as Young Lilli

5) Garette Ratliff Henson as Young Richard

6) Emma James as Infant Lilli

7) Jackson Barton as Infant Richard

8) Nana Coburn as Sylvia Hilliard

9) Brian Blain as Captain Jacob Hilliard

10) Peter Hehir as Quinlan

11) Alexander Peterson as Giddens

12) John Mann as First Captain

13) Wayne Pygram as Kearney

14) John Dicks as Penfield.(Opeey-a Khiangte)

★★★★