TERMINATOR

★Opeey-a Khiangte

__________________________________________

Terminator hi American science fiction niin James Cameron leh Gale Anne Hurd te ziak a ni a. films, comics, novels leh media hrang hrangah tarlan a ni nasa hle bawk.

He thawnthu hi Skynet's synthetic intelligent machine network te, John Connor's Resistance forces te leh mihringte inkara indona thleng a ni. Skynet-ina mihring suattu atana a thil siamchhuah hmingthang tak takte chu, T-800 a ni a, chu chu a film hmasa ber (part 1)-ah Arnold Schwarzenegger kha a ni a. A part hnu lamah pawh Arnold chu a lang leh zel bawk.

Skynet chu synthetic intelligence a ni. hriatthiam dan tur ber chuan, chu chuan Computer atanga thil inirhchhuak hlauhawm lutuk a siamchhuak a ni a. Tichuan, Skynet leh mihring inkarah indona a chhuak ta a ni.

Skynet chu Terminator film part 1-ah khan, U.S. strategic "Global Digital Defense Network" computer system niin, Cyberdyne Systems-ina a duan a ni a. amaha thil hre thei vek a ni a, technology lamah pawh turu rapthlak tak a ni.

Chu Computer programme chuan, mihringte hi atana hlauhawm, amah tichhe theitu an ni tih hriain, mihring tihchereu vek a tum ta a. a hmasa berah, Russia chu nuclear hmangin a bei a, mi tam tak an thi nghal ta puk mai a ni.

A hnuah, Skynet chuan amah behchhanin  machine military a siam a, chungahte chuan Terminators-ho te an tel a. anniho chuan mihringte an ep ta a ni. Mihring lam pawhin Resistance an siam ve bawk a. Skynet chuan Time travel a siamchhuak bawk a, hnehna chan ngei tum ve vein, Hun kal tawhte chu Resistance leh Skynet chuan indona hmangin an tidanglam ta vak vak a ni. Hun kal tawha thil thlengin tun huna thil engkim awm dan tur hi a rel thei miau si a ni.

Terminator film-ah hian Judgment Day kha a pawimawh em em mai a. A part 1 atang tawha awm, Judgment Day awmzia chu Bible-a Rorelna Ni tih behchhanin a film pawh a kal a ni. chumiin a kawhtum chu, Skynet-in amaha finna a neih hun tur ni a ni a, chutih hunah chuan mihring zawng zawng an thi vek dawn a ni.

Hma lam hun tidanglam tura time travel leh indona hrang hrang awm avangin, Judgment Day Ni tur tak chu a Ni date ni thei turawm hrang hrang pawh sawitel a ni bawk. Terminator 2-ah chuan, Sarah-i'n Judgment Day chu August 29, 1997-ah a thleng dawn tiin a sawi a.

Mahse, Terminator 3: Rise of the Machines tihah chuan, Judgment Day holocaust chu July 25, 2004-a thleng tur niin indona khirh tak tak vangin a hla leh ta sawt a. Terminator: The Sarah Connor Chronicles-ah pawh, Judgment Day chu April 21, 2011 a ni leh ta daih bawk.

Hetia a hun a hlat leh tak chhan chu, T2-a Cyberdyne Systems beih a nih vang a ni. A chhunzawmna Terminator Genisys-ah, Judgment Day chu October 2017 niin, a ni tak a sawichiang ta lo thung a. a chhan chu, Nexus event khan timeline a tidanglam thut a ni; Terminator 2 (T2)-ah, Miles Dyson khan T-800 atangin arm leh chip hmangin Skynet chu changkang lehzualin a siam a. Genisys-ah chuan, kha Terminator kha, acid-ah Guardian-in a tichhia a ni.

Chuvangin, Judgement day thlen loh nan, a film kalhmangah khan Cyberdyne chu venhim a ni zel a ni.

♣ The Terminator(1984)

The Terminator film chu kum 1984-a science fiction film niin, Orion Pictures-in a release a. co-writer leh director chu James Cameron a ni a, starring chu; Arnold Schwarzenegger, Linda Hamilton leh Michael Biehn te an ni. a film kalhmangah chuan, khawl machines-hovin artificial intelligence Skynet atanga thununnain khawvel an la duai duai a.

Mihring suat turin android assassins a siam a, chungte chu Terminators tih an ni a, mihringte aia chak leh thiltithei fe zawk an ni bawk.

Chutih rualin, Mi pakhat, fing lutuk, John Connor-a'n Tech-Com resistance a siam a, chu chuan terminators-te chu a do a, Skynet a titlawm a, mihring an zalen ta a ni.

Mahse, zalenna a thlen mek lai chuan, machines tan hnehna laklet theih dan kawng awmchhun chu, John Cornor-a khawvela piang ve lo tura, John Connor-a nu Sarah Cornor-i that tura hun liam tawha Terminator tirh a ni a.

Chu tak chu Time Travel pawimawhna a ni a, hun liam tawha kirleh theihna a ni a. hun liam tawha thilthlengah tun hun hi a innghat tlat tih chu in hre fur awm e. Amaherawhchu, mifing lutuk tih takah, John-a chuan Time travel chu a hmang ve thuai a, a nu venghim turin Sipai Kyle Reese chu hun liam tawhah a tir ve ta a ni.

♠ Terminator 2: Judgment Day(1991)

Terminator 2: Judgment Day chu kum 1991-a siam a ni a. co-writer, director leh producer chu James Cameron a ni a, stars chu;  Arnold Schwarzenegger, Linda Hamilton, Edward Furlong leh Robert Patrick te an ni. machines khan John Connor-a a lo pian lohna tura a nu thah a tum kha a hlawhchham ta kha a ni a.

kum 1995-ah thah a rawn tum nawn leh a. hemi tum hi chuan, a hma aia terminator changkang zawk T-1000 chu John-a that turin tirh a ni leh ta a ni. A hma ang thovin,  John-a'n amah venghim turin Resistance Arnold chu ama naupan lai hunah a tir nawn ve leh a.

Hma lam huna indona thleng tur atan kum 7 chhung inpuahchah hnuah, Sarah-i chuan Hma lam huna Skynet siamchhuah theih loh nan Cyberdyne Systems a tichhe ve ta thung a ni.

♥ Terminator 3: Rise of the Machines(2003)

Terminator 3: Rise of the Machines chu kum 2003-a siam a ni a. Writer chu John Brancato, Michael Ferris leh Tedi Sarafian te niin, director chu  Jonathan Mostow a ni a. starring chu Arnold Schwarzenegger,Nick Stahl, Claire Danes leh Kristanna Loken te an ni. T2 zawha Cyberdyne a chhiat takah chuan, Skynet siamchhuah hun tur pawh a lo hla leh ta a. Tin, machines-in hnehna a chan ngei theih nan, Terminator thar T-X a tir ve leh a. chu chuan John Connor-a hma lam huna a lieutenants te a tam thei ang ber thah a tum ta a.

Thah tur list-ah chuan John Connor-a leh nakina a nupui la ni tur Kate Brewster-i pawh an tel a ni. Connor-a hma lam hun tur tihchhiat a nih avangin, Kate-i'n programs a duang nawn leh a, T-X laka an him theih nan program chu a tir ve leh ta a ni.

♦ Terminator Salvation(2009)

Terminator Salvation chu Terminator film series-a a 4-na a ni a, May 21, 2009-ah release a ni. writer chu John D. Brancato,  Michael Ferris, Paul Haggis, Shawn Ryan, Jonathan Nolan leh Anthony E. Zuiker te an ni a. director chu McG a ni a, stars chu Christian Bale niin John Connor angin a lang ve ta a ni.

Skynet-in nuclear hmanga mi tam tak a thah hnuin, John-a chuan theihtawp a chhuah a. Arnold Schwarzenegger ang tak T-800 a lo lang ve ta a ni.

Duhtawk phawt mai teh ang, ka mit a thip deuh tlat..a film kalhmang kan sawi kim vek kher lo mai ang.(Opeey-a Khiangte)

★★★★